Margrethe II. vun Dänemark
| Margrethe II. vun Dänemark | |
|---|---|
 | |
| Gebuer | 16. Abrëll 1940 |
| Nationalitéit | Dänemark |
| Educatioun | University of Cambridge, London School of Economics |
| Aktivitéit | Monarch, Moler |
| Famill | |
| Bestuet mat | Henri de Laborde de Monpezat |
| Papp | Frederik IX. vun Dänemark |
| Kanner | Frederik vun Dänemark |
 | |
D'Margrethe II. vun Dänemark [mɑˈg̊ʁeːɪ̯d̥ə], gebuer de 16. Abrëll 1940 zu Kopenhagen als Margrethe Alexandrine Þórhildur Ingrid, ass zënter dem 15. Januar 1972 Kinnigin a Staatscheffin vun Dänemark (Danmarks Dronning), vun de Färöer a vu Grönland.
Si kënnt aus der Famill Schleswig-Holstein-Sonderburg-Glücksburg, enger Niewelinn vum Haus Oldenburg.
D'Margrethe war déi eelst Duechter vum Frederik IX. vun Dänemark (1899–1972) a senger Fra Ingrid vu Schweden (1910–2000). Nodeems hire Papp 1947 zum Kinnek proklaméiert gi war, gouf ufanks hire Monni Knut vun Dänemark Throunfolger. 1953 huet eng Änderung vun der Verfassung et méiglech gemaach, datt och eng weiblech Successioun méiglech wier.
Si ass d'Wittfra vum Henri de Laborde de Monpezat (Prënz Henrik vun Dänemark), deen se 1967 bestuet hat, an deen 2018 gestuerwen ass. Si hunn zwéi Jongen:
- De Krounprënz Frederik (* 26. Mee 1968);
- De Prënz Joachim (* 7. Juni 1969).
Um Spaweck[änneren | Quelltext änneren]
| Commons: Margrethe II of Denmark – Biller, Videoen oder Audiodateien |
