Martin Weinek
| Martin Weinek | |
|---|---|
 | |
| Gebuer |
30. Juni 1964 Leoben |
| Nationalitéit | Éisträich |
| Aktivitéit | Wënzer, Theaterschauspiller, Filmschauspiller, Televisiounsschauspiller |
 | |
De Martin Weinek gebuer de 5. Juni 1964 zu Leoben ass en éisträicheschen Theater- a Filmschauspiller.
Aktuell spillt en d'Roll vum Inspekter Kunz an der Serie Kommissar Rex.
Hien huet säi Studium als Schauspiller vun 1983 bis 1986 beim Peter Jost gemaach.
Vun 1986 un huet hie fir d'éischt an der Theatergrupp 80 zu Wien geschafft a krut do seng éischt kleng Roll am Stéck „Nachsaison“, wou hien e Liftboy gespillt huet.
1987 spillt hie bei de Ruhrfestspiller zu Recklinghausen ënner der Regie vum Georg Mittendrein am Stéck „Der Lechner Edi schaut ins Paradies“ an am Film „Müllomania“ ënner der vum Dieter Berner. Duerno hat hien en Engagement am Jura Soyfertheater Wien (1988-1989) an Engagementer op aneren Theaterbünen; donieft ass hie Regisseur, Dramaturg a Produzent. Vun 1990 bis 1991 hat hien déi kënschtleresch Leedung vum Hernalser Stadtheater.
Dertëscht huet hien ëmmer erëm beim Film a fir d'Televisioun geschafft, wéi z. B. 1989 an der Televisiounsserie „Calafati Joe“.
Zesumme mat senger Fra Eva, déi no hire Studien an Theaterwëssenschafte fir d'éischt als Dramaturgin geschafft huet, ass hien nieft der Schauspillerei och nach Wënzer. Déi zwee bedreiwe bei Heiligenbrunn dräi Hektar Wéngerten.
Filmographie
[änneren | Quelltext änneren]- 1989: Calavati Joe (Televisiounsserie)
- 1999-2004, 2008-: Kommissar Rex (Televisiounsserie)
- 2004: Silentium
- 2005: Grenzverkehr
- 2006: Unter weißen Segeln (Episod 'Träume am Horizont')
- 2007: Die Rosenheim-Cops (Episod 'Liebe bis zum Ende')
Um Spaweck
[änneren | Quelltext änneren]| Commons: Martin Weinek – Biller, Videoen oder Audiodateien |
