Mathematiker

Vu Wikipedia
Wiesselen op: Navigatioun, sichen
De schwäizer Leonhard Euler (1707-1783) war zu senger Zäit dee gréisste Mathematiker

D'Mathematiker beschäftege sech mat der Weiderentwécklung vum Fachgebitt vun der Mathematik a mat der Applikatioun vun Erkenntnesser op praktesche Wäerter. D'Applikatioun vu mathematesche Methode féiert zu exakten Erkenntnesser an Aussoen, a bestëmmten Deelgebidder och zu quantitative Resultater (z. B. aus der Numerik an der Statistik).

D'Mathematiséierung déi all Dag méi grouss gëtt féiert dozou, datt Mathematiker a ville Beräicher agesat ginn, ë. a. Fuerschung an Entwécklung, an den Wirtschaftswëssenschaften, an der Versécherungsentreprise, am Ëffentlechen Déngscht (Schoulen an Universitéiten, Statistik), am Marketing, an der Meteorologie, an der Logistik, an der Bildveraarbechtung, an der Sécherheetstechnik an natierlech an der Informatiounstechnik.

Si kënnen op Spezialgebidder schaffen, sou z. B. Numeresch Mathematik, Statistik, mathematesch Logik, Algeber, Geometrie, Analysen, Modelltheorie a Wahrscheinlechkeetstheorie. Well vill Verfahren an Technike sech och op aner Deelberäicher iwwerdroe loossen, ass eng Ofgrenzung an der Praxis schwéier.

Studiecontenu[änneren | Quelltext änneren]

De Studiecontenu am Grondstudium ëmfaasst an der Regel: Analys, Linear Algeber, ugewandte Mathematik (Numerik oder Stochastik), e Walflichtfach.

Bestanddeeler vum Haaptstudium:

  • Reng Mathematik (Algeber, Analys, Funktiounentheorie, Differentialgeometrie, Topologie, Zuelentheorie)
  • Ugewandte Mathematik (Mathematesch Statistik, Numerik vun Differentialgläichungen, Funktiounalanalys, Wahrscheinlechkeetstheorie, diskret Mathematik, Steierungstheorie, Optimiséierung, Methoden, Algorithmen)
  • Netmathematesch Applikatiounsfächer (z. B. Wirtschaftswëssenschaften, Informatik, Physik, ingenieurtechnesch Wëssenschaften, Biologie, Chimie) a Fächer wéi Philosophie a Wëssenschaftsgeschicht)

Kuckt och[änneren | Quelltext änneren]

Um Spaweck[änneren | Quelltext änneren]

Commons: Mathematiker – Biller, Videoen oder Audiodateien