Michael Schumacher
|
Dësen Artikel beschäftegt sech mat dem däitschen Automobilsportler. Fir de lëtzebuergesche Liichtathleet, kuckt wgl. Mike Schumacher. |
| Michael Schumacher | |
|---|---|
.jpg) | |
| Pseudonym | Marcel Niederhausen |
| Gebuer |
3. Januar 1969 Hürth |
| Nationalitéit | Däitschland |
| Aktivitéit | Formel-1-Pilot, Motorradcoureur |
| Famill | |
| Geschwëster | Ralf Schumacher |
| Kanner | Mick Schumacher |
 | |
De Michael Schumacher, gebuer den 3. Januar 1969 zu Hürth-Hermülheim an Nordrhein-Westfalen, ass e fréieren däitsche Courseauto-Pilot.
De Schumacher huet tëscht 1991 an 2012 bei 307 Grand-Prixe vun der Formel 1-Weltmeeschterschaft matgemaach. Hien huet dobäi siwemol de Weltmeeschtertitel gewonnen, 91-mol gouf hien den Éischten, 68-mol ass hien an der Pole-Position lassgefuer a 77-mol war hien dee Séierste beim Tour vun der Pist. Domat ass hien dee Formel-1-Pilot mat deem gréisste Succès an der Geschicht vun deem Sport. Doriwwer eraus stoung hien 155-mol um Podium vun deene beschten dräi Coureuren.
Säin éischte Kontakt mat engem Motorgefier hat hie schonn am Alter vu véier Joer, wéi säi Papp him en ëmgebaute Kettcar mat 5-PS Motor geschenkt huet. Scho mat fënnef Joer huet e fir d'éischt eng Karting-Course an e Joer drop déi éischt Clubmeeschterschaft gewonnen.
Well sengen Elteren hir Geldmëttel net duergaange sinn ass en aus Altersgrënn am Kart-Sport laang mat enger lëtzebuergescher Lizenz gefuer. Doduerch hu keng finanziell Mëttel als Sécherheet zeréckgestallt musse ginn an e war scho mat zwielef Joer lizenzberechtegt. Ausserdeem hu fir d'Oprechterhale vun der Lizenz net sou vill Coursse musse gefuer ginn. Op der Karting-Pist zu Monnerech ass en déi Zäit och dacks gefuer.
Hien huet 1991 bei Jordan an der Formel 1 ugefaangen. Duerno ass hie bis 1995 fir Benetton gefuer, an ass 1996 bei Ferrari gewiesselt, wou e bis 2006 aktiv blouf. No enger Paus vun e puer Joer ass hien 2010 fir dräi Joer bei Mercedes gaangen.
Enn 2013 hat hien e schwéiere Schi-Accident, war eng Zäit am Koma an ass zanter September 2014 doheem, wou hie seng Rehabilitatioun mécht. Iwwer säin aktuelle Gesondheetszoustand [Stand Mäerz 2021] ass näischt bekannt.
Säi klenge Brudder Ralf Schumacher ass och tëscht 1997 an 2006 an der Formel 1 gefuer.
Statioune vu senger Karriär
[änneren | Quelltext änneren]
|
|
|
Literatur
[änneren | Quelltext änneren]- Elmar Brümmer, Bodo Kräling, Ferdi Kräling: Mensch Schumi. Michael Schumacher – Siege, Mythen, Rekorde. Delius Klasing, Bielefeld 2006, ISBN 3-7688-1899-3.
- Willy Knupp (Hrsg.): Danke, Schumi! Die Michael Schumacher-Story. Zeitgeist Media, Düsseldorf 2006, ISBN 3-926224-59-2.
- Ferdi Kräling, Helmut Zwickl: Schumi – Michael Schumacher; Faszination einer Karriere. Heel, Königswinter 2001, ISBN 3-89880-015-6.
- Achim Schlang: Michael Schumacher. Alle Siege des Rekordchampions. Motorbuch, Stuttgart 2006, ISBN 3-613-02762-3.
- Rainer W. Schlegelmilch: Michael Schumacher – Eine Weltkarriere. Heel, Königswinter 2006, ISBN 3-89880-701-0.
- Michael Schumacher, Sabine Kehm, Michel Comte: Michael Schumacher. Die offizielle und autorisierte Inside Story zum Karriere-Ende. Süddeutsche Zeitung, München 2006, ISBN 3-86615-403-8.
- Karin Sturm: Michael Schumacher – Eine Ära geht zu Ende. Die Geschichte einer Weltkarriere. Herbig, München 2006, ISBN 3-7766-2502-3.
- Helmut Uhl: König Schumi. Sein Leben – Seine Siege – Seine Tränen. Weltbild, Augsburg 2006, ISBN 3-89897-598-3.
Um Spaweck
[änneren | Quelltext änneren]| Commons: Michael Schumacher – Biller, Videoen oder Audiodateien |
