Michel-Marie Poulain

Vu Wikipedia
Op d'Navigatioun wiesselen Op d'Siche wiesselen
Michel-Marie Poulain: D'Sprangprëssessioun zu Iechternach

Den (oder d')Michel-Marie Poulain, gebuer de 5. Dezember 1906 zu Paräis[1], gestuerwen 1991, war e(ng) franséisch(e) modern(e) Moler(in), deem säi/där hire Stil an Technik staark un de Bernard Buffet erënnert.

E beweegt Liewen[änneren | Quelltext änneren]

Et war eng aussergewéinlech Perséinlechkeet mat engem beweegte Liewen. Als Mann ass hien op d'Welt komm an huet als Ënneroffizéier bei den Dragoner gedéngt. Als Fra huet si du bei grousse Couturière Mannequin gespillt. Dësen Dédoublement vun der Persoun léisst déi viguréis, mä och echt weiblech Zich a sengen oder hire Biller erkennen. La vigueur de sa peinture est tempérée, wéi d'Biographe schreiwen, par une grâce féminine visible dans ses personnages. Spéider huet hien oder si eng Billergalerie zu Cannes, fir d'Ausstellung vun eegenen Tableauen opgemaach.

Wierker[änneren | Quelltext änneren]

  • Tëscht den zwéi Weltkricher: reegelméisseg Participatioun um Salon d'Automne an um Salon des Indépendants
  • Nieft sengen/hiren Tableauen, huet hien/si och als Kierchemolerin geschafft
    • Vitraue vun der Abtei de la Colle-sur-Loup
    • Dekoratioun vun der Kapell des Pénitents Blancs zu Eze-Village, (1953)

Kollektiounen[änneren | Quelltext änneren]

  • Kollektioun vum Lëtzebuerger Architekt Paul Retter, deen den/d'Michel-Marie Poulain gesponsert huet, a vill Biller vun him hat.
    • Déi Biller sinn nom Doud vum Paul Retter ënner den Hummer komm, an déi meescht Tableauen, dovun eng Partie mat lëtzebuergesche Sujeten, wéi Beetebuerg an d'Sprangprëssessioun vun Iechternach, sinn a Lëtzebuerger Hänn bliwwen.

Literatur[änneren | Quelltext änneren]

  • MARAIS, Claude: J'ai choisi mon sexe. Confidences du peintre Michel-Marie Poulain. Monaco: Les éditions de Fontvieille, 1954.
  • ROUSSARD, André: Dictionnaire des Peintres à Montmartre,

Um Spaweck[änneren | Quelltext änneren]

Referenzen[Quelltext änneren]

  1. roussard.com