Muidebrug

Muidebrug

Geographie
Land	Belsch
Plaz	Gent (Voormuide-Muidepoort)
Koordinaten	51° 04’ 13.28’’ N       03° 43’ 49.06’’ O
Funktioun
Benotzt als	Stroossebréck
Fuerspueren	2
Féiert iwwer	Tolhuisdok
Technesch Detailer
Bréckentyp	Dréibréck Dunnebréck
Längt tëscht Widderlager	~42 m
Bemierkungen
Ersetzt	Bréck vun 1951
Opgaangen	2000

D'Muidebrug ass eng Dréibréck am Quartier Muide zu Gent. Et ass eng Stroossebréck a si verbënnt d'Voormuidestrooss mat der Muidepoortstrooss.

Bréckegeschicht

Déi éischt Bréck op där Plaz war eng duebel Dréibréck vun 1829. Déi 1844 mat enger ersat déi bal d'selwecht war.
Déi gouf dunn 1868 mat eng Eisener Dréibréck aus engem Stéck ersat, mat enger Längt vu 26,50 m an enger Duerchfaartsbreet vun 13,00 m. Se hat eng Fuerbunn vun 2,65 m a war mat den Trëttoiren 4,45 m breet.

Mol keng 20 Joer duerno, 1887, gouf déi mat enger Bréck ersat déi 2 Fuerspueren hat, mat enger totaler Breet vu 7,80 m, enger Längt vun 39,50 m an enger Duerchfaartsbreet vu 16,34 m. Se hat eng fräi Héicht vun 2,94 m.

Nom éischte Véirel vum 20. Joerhonnert war déi Bréck an engem ganz schlechten Zoustand soudatt d'Stad Gent decidéiert huet eng nei Bréck ze bauen. Dofir gouf e Concours ausgeschriwwen and Wiel ass op eng Bréck mat Vierendeeldunne gefall, déi dunn 1934 gebaut gouf. Déi gouf am Ufank vum Zweete Weltkrich gesprengt an et koum eng provisoresch Bréck an d'Plaz. Et huet du bis 1951 gedauert ier eng nei Bréck gebaut gouf. Dat war dunn eng Fachwierkbréck vum Typ Warren mat vertikale Verstriewungen. Déi huet du bis an d'Joer 2000 den Déngscht gemaach.

 Méi Informatioun doriwwer am Artikel Muidebrug vun 1934 an am Artikel Muidebrug vun 1951.

Technesch Donnéeë vun de fréiere metalle Muidebrécken

Baujoer	Längt (m)	Breeten (m)				Fräi Héicht
		Fuerbunn	Trëttoir	Total	Duerchfaart
1868	26,5	2,65	2 × 0,90	04,45	13,00	?
1887	39,5	5,00	2 × 1,40	07,80	16,34	2,94
1934	38,6	6,00	2 × 1,50	09,00	16,50	3,50
1951	42,2	6,30	2 × 2,45	11,20	21,00	4,50