N'dalatando

Vu Wikipedia
Op d'Navigatioun wiesselen Op d'Siche wiesselen
N'dalatando
N'dalatando.jpg
 
Land Flag of Angola.svg Angola
Verwaltungseenheet: Cuanza Norte
Koordinaten: 09° 18’ 00’’ S
14° 55’ 00’’ O
Fläch 1.793[1] km²
Awunnerzuel: 186.776[2][3] (Schätzung fir 2017)
Héicht: 670 m i. NN

N'dalatando, heiansdo och Ndalatando geschriwwen, ass d'Haaptstad vun der angolanescher Provënz Cuanza Norte. Si ass och de Sëtz vun der Gemeng Cazengo.

D'Uertschaft gëtt et zënter den 1840er Joren. 1936 krut si den Numm Vila Salazar, zu Éiere vum portugiseschen Diktator António de Oliveira Salazar. D'Uertschaft ("vila") krut den 28. Mee 1956 de Statut vun enger Stad ("cidade"). Den 11. November 1975 ass Angola onofhängeg vu Portugal ginn an d'Stad ass den 18. Juli 1976 nees an N'dalatando ëmbenannt ginn.[1][4] Den Numm N'dalatando ass d'Agglutinatioun vun zwéin Nimm: "Ndala", e Soba (en angolaneschen Notabelen) an deem säi Jong "Tando".[5]

D'Stad läit ronn 250 km ëstlech vun der Haaptstad Luanda. Am Norde läit de Floss Luinha an am Westen, am Süden an am Osten de Floss Lucala. Den héchste Punkt ass de Morro de Santa Isabel mat enger Héicht vun 1.014,5 Meter.[1] D'Duerchschnëttstemperatur läit bei 20 Grad Celsius an den Nidderschlag bei 800 mm am Joer.[1]

Landwirtschaftlech Produkter, déi ronderëm N'dalatando ugebaut ginn, sinn ënner anerem Kotteng, Kaffi, Banannen, Palmenueleg, Zockerrouer, Kakao, Maniok, Sisal, Sonneblummen, Mais an Uebst a Geméis.[1][4]

Biller[änneren | Quelltext änneren]

Um Spaweck[änneren | Quelltext änneren]

Commons: N'dalatando – Biller, Videoen oder Audiodateien

Referenzen[Quelltext änneren]

  1. 1,0 1,1 1,2 1,3 1,4 Portal de Angola: Ndalatando a caminho do desenvolvimento (5. Juni 2012)
  2. Awunnerzuel fir d'ganz Gemeng Cazengo, mat der Stad an all den Dierfer rondrëm
  3. "Projecção da População da Província do Moxico, 2014-2050", Quadro 39 - População projectada por municípios, segundo o sexo, 2017-2019, Editioun 2016, Säit 57, erofzelueden hei
  4. 4,0 4,1 Rede Angola: Ndalatando (26. Juni 2016)
  5. Agência Angola Press: Origem histórica da cidade de Ndalatando motiva debate (24. Mee 2010)