Pulsarplanéit

Vu Wikipedia
Wiesselen op: Navigatioun, sichen
Eng kënschtleresch Duerstellung vum Planéitesystem vin PSR B1257+12.

Pulsarplanéite sinn Exoplanéiten, déi Pulsaren oder Neutronestären ëmkreesen. Deen éischte vun dëse Planéite gouf ëm ee Millisekonnepulsar entdeckt a war och deen éischten Exoplanéit, deen entdeckt gouf. Pulsarplanéite gi mat der Pulsar-Timing-Method fonnt, also iwwer Anomalië vun der Pulsperiod. All Himmelskierper, déi ëm ee Pulsar kreesen, verursaache regelméisseg Ännerunge vun der Pulsperiod. Well Pulsare mat enger konstanter Vitess rotéieren, kënnen Ofwäichunge relativ einfach mat geneeë Moossmethode festgestallt ginn.

2006 gouf entdeckt, datt de Pulsar 4U 0142+61, 13.000 Liichtjoer vun der Äerd ewech läit, an eng protoplanetar Scheif huet. D'Entdeckung gouf vun engem Team vum Massachusetts Institute of Technology ënner der Leedung vum Deepto Chakrabarty a mat Hëllef vum Spitzer-Weltraumteleskop gemaach.

D'Scheif entstoung méiglecherweis aus metallräichen Oflagerunge vun enger Supernova, déi de Pulsar virun zirka 100.000 Joer gebilt hat. Si gläicht deenen, déi ëm sonnenähnlech Stären ze fanne sinn, wat unhuele léisst, datt och ähnlech Planéiten entstinn. Pulsarplanéite kënne wahrscheinlech kee Liewen ervirbréngen, wéi mir et kennen, well den héije Grad vu ioniséierender Stralung, déi de Pulsar ofstraalt, an de Manko vu visuellem Liicht deen derzou gehéiert, all bekannt Form vu Liewen onméiglech mécht.

Lëscht vu bekannte Pulsarplanéiten[änneren | Quelltext änneren]

Bemierkung: MJ ass d'Mass vum Jupiter, an ME d'Mass vun der Äerd.

Bestätegt Planéiten[änneren | Quelltext änneren]

Pulsar Planéit Mass
PSR B1620-26 PSR B1620-26c 2.5 MJ
PSR B1257+12 PSR B1257+12 A 0.020 ME
PSR B1257+12 B 4.3 ME
PSR B1257+12 C 3.90 ME
PSR B1257+12 D 0.0004 ME

Onbestëmmt Planéiten[änneren | Quelltext änneren]

Pulsar Planéit Mass
Geminga Geminga b 1.7 ME
PSR B0329+54 PSR B0329+54 A 0.3 ME
PSR B0329+54 B 2.2 ME
PSR B1828-10 PSR B1828-10 A 3 ME
PSR B1828-10 B 12 ME
PSR B1828-10 C 8 ME

Proplyds[änneren | Quelltext änneren]

Pulsar Proplyd
4U 0142+61 4U 0142+61's Proplyd

Kuckt och[änneren | Quelltext änneren]

Saturn 01.svg Portal Astronomie