Radio Diddeleng
Radio Diddeleng ass e lokale Radiossender zu Lëtzebuerg, dee vun Diddeleng aus sent a vun der A.s.b.l. Radio Diddeléng[sic][1] bedriwwe gëtt.
Historique[änneren | Quelltext änneren]
Radio Diddeléng asbl ass 1992 vun e puer idealistesche Privatleit gegrënnt ginn déi voller Enthusiasmus ware fir Radio ze maachen.[2]
Vun der éischter Stonn u sinn d'Emissiounen aus dem Studio, deen an engem Privathaus an der Bannenterstrooss installéiert war, 24/24 Stonnen op der Frequenz 103,9 iwwerdroe ginn.
1994 huet de Radio seng Dieren an den ale Pompjeeslokalen hanner der Gemeng opgemaach.
1996 ass d'Frequenz vu Radio Diddeleng offiziell op 103,6 geännert ginn.
Zanterhier gëtt et Emissioune vun Animateure vu verschiddenen Altersklassen, wéi "Happy Hour", "Show-Time", "On Air", wourënner och lokalhistoresch Emissioune wéi déi vum Jos Weirich iwwer Die Kriegsjahre 1940-1945 an déi vum Nic Daubenfeld mat Düdelinger Allerlei.
Radio Diddeleng sent och Emissioune vun der portugisescher Communautéit vun Diddeleng.
2007-2009 goufe mat Ënnerstëtzung vun der Diddelenger Gemeng an dem Syndicat d'Initiative d'Studioen an déi ganz Technik vum Radio moderniséiert.
Ekipp[änneren | Quelltext änneren]
D'Ekipp besteet ausschliisslech aus fräiwëllege Mataarbechter. Déi villfälteg Funktiounen déi am Radio z'erfëlle sinn erlabe jiddwerengem seng Kompetenzen a Motivatiounen anzebréngen.
Kuckt och[änneren | Quelltext änneren]
Referenzen[Quelltext änneren]
- ↑ Radio Locale de la Ville de Dudelange, Radio Diddeléng, RD (LBR F3656)
- ↑ Source vum Historique op radiodiddeleng.lu