Radioteleskop Effelsberg

Radioteleskop Effelsberg
Den Teleskop (2015)
Land	Däitschland
Mass	3200 Tonnen
Uewerfläch	7.850 m²
Parabolantennenduerchmiesser	100 m
Brennwäit	30 m
Uewerflächegenauegkeet	<0,5 mm
Wénkelopléisung	>10"
Wellelängt	3,5 mm bis 900 mm
Horizontaldréiung	360°
Vertikaldréiung	90°

Den 100-Meter-Radioteleskop
bei Effelsberg

Detail vum Reflekter

De Radioteleskop Effelsberg steet an den Ahrbierger an Nordrhein-Westfalen (Däitschland).

Geographie

De Radioteleskop ass am Krees Euskirchen, am Dall vun der Effelsberger Baach, ronn 1 km nordëstlech vun Effelsberg. Do steet en op 315 m Héicht westlech vum Hühnerberg. D'Fëllementer, mat dem Bëtongswierk dat den Teleskop dréit,sinn déif am Fiels verankert. Den Teleskop dréint am horizontale Plang op enger Schinn déi en Duerchmiesser vu 64 Meter huet, an op 319 Meter läit. D'Konstruktion, déi de Reflekter dréit, ass 50 Meter héich.

Iwwer en 13 km laange Spadséierwee de Radioteleskopwanderweg kënnt ee vum Zentrum vu Bad-Münstereifel, mat Depart bei der Jesuittekierch, zu Fouss op d'Parkplaz beim Teleskop. Vun do un ass en 800 Meter laange Léierpad ugeluecht, de Planetenwanderweg, mat Informatiounsschëlter iwwer d'Planéiten an iwwer eis Sonn. D'Enn vum Wee ass beim Modell vun eiser Sonn beim Informatiounshaische vum Radioteleskop.

Den Teleskop

Den 100-Meter-Radioteleskop gehéiert zum Max-Planck-Institut fir Radioastronomie vu Bonn. E gouf tëscht 1968 an '71 gebaut an den 1. August 1972 a Betrib geholl. Knapps 30 Joer laang war et dee gréisste Radioteleskop vun der Welt, dee sech horizontal, an 12 Minutten ëm 360 Grad, a vertikal a 6 Minutten ëm 90 Grad beweege kann, bis am Joer 2000 de Green-Bank-Teleskop mat enger Reflekterfläch vu 7.854 m² zu Green Bank, West Virginia (USA) a Betrib geholl gouf.

Kuckt och

Portal Astronomie

Radioastronomie

Um Spaweck

Commons: Radiotelescope Effelsberg – Biller, Videoen oder Audiodateien