Schlass Turelbaach
 | |
| Land |
 Lëtzebuerg |
|---|---|
| Gemeng | Groussbus-Wal |
| Koordinaten |
49° 51’ 02.5’’ N 05° 59’ 04.2’’ O |
| Héicht | 341.50 m |
| Proprietär | Mäerzeg |
 | |
D'Schlass Turelbaach ass e schlassänlecht Gebai an der Turelbaach, dat ongeféier tëscht 1973 an de fréien 2000er Joren no an no gebaut gouf.
Geschicht[änneren | Quelltext änneren]
1964 krut de Pol Gilson, Gemengesekretär vun der Gemeng Mäerzeg, d'Autorisatioun, bei der Turelbaach en hëlzene Weekend-Chalet ze bauen an e fréiere Weier nees unzeleeën, sou datt Inselen entstane sinn, woudrop de Chalet stoe koum[1].
1973 ass d'Holzhaus komplett ofgebrannt. Doropshin huet de Gilson ugefaangen, en neit Gebai opzeriichten, dat en no an no a senger Fräizäit iwwer Joerzéngten op- an ausgebaut huet. Esou ass e schlassänlecht Haus entstanen, mat Tiermercher, Brécken, Pseudo-Wiergäng a -schéissschachten, souwéi engem Park mat Sprangbur a Skulpturen, dat ganz an engem neoklassizistesche Stil. Eemol am Joer huet hien e grousst Fest a sengem 'Schlass' organiséiert.
De Gilson ass 2007 gestuerwen, an 2020 huet seng Wittfra Anny Gilson den 'Domaine', deen zum gréissten Deel an der haiteger Gemeng Groussbus-Wal läit, fir 450.000 Euro der Gemeng Mäerzeg verkaaft.
D'Gebai mat sengem Ëmrank gouf, op Demande vum neie Proprietär, den 2. September 2022 als national Kulturierfschaft klasséiert[2].
Biller[änneren | Quelltext änneren]
Kuckt och[änneren | Quelltext änneren]
Um Spaweck[änneren | Quelltext änneren]
- D'Schlass Turelbach. Reportage aus der Serie Top Secret op play.rtl.lu.
Referenzen[Quelltext änneren]
- ↑ Quell vum Kapitel, wou net anescht uginn: Frank Weyrich: "Neues Kapitel für das Schloss Turelbaach." wort.lu [w+], 24.02.2021.
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).