Schlass Kënzeg
 Kënzeger Schlass | |
| Land | Lëtzebuerg |
|---|---|
| Gemeng | Käerjeng |
| Plaz | Kënzeg |
| Koordinaten | 49°35'53,3"N, 5°52'27,3"O |
| Baustil |
Renaissance, Barock |
| Statut | Klasséiert Monument (SSMN) |
| Datum vum Bau | 1665 |
| Proprietär | Pascal Zimmer |
| Zweck | Wunneng |
 | |
D'Schlass vu Kënzeg ass en herrschaftlecht Gebai am Renaissancestil zu Kënzeg. Et ass aus dem 17. Joerhonnert a gouf 2009 renovéiert[1].
Geschicht
[änneren | Quelltext änneren]D'Schlass gouf 1665 vum Här vu Kënzeg, dem Johann Ferdinand von Blanchard, baue gelooss. Dobäi gouf en Deel vum Baumaterial vun der Ruin vun engem méi ale Schlass geholl, dat eng 30 Meter niewendru stoung. Fofzeg Joer drop gouf et, nom Goût vun der Zäit, am Barockstil ëmgebaut.
Nodeems e gewësse von Lanser d'Gebai kaaft hat, gouf et 1721 op en Neits ëmgebaut. 1982 huet de Jean Weis et kaaft a bis 2004 dra gewunnt[2].
Den 21. Dezember 2007 gouf et als nationaalt Monument klasséiert, an 2009 waren ëmfangräich Restauréierungsaarbechten ofgeschloss. Zanter dem Summer 2020 ass d'Schlass eng Maison d'hôtes mat 5 Zëmmeren[3].
Kuckt och
[änneren | Quelltext änneren]- Lëscht vun de Lëtzebuerger Buergen a Schlässer
- Lëscht vun den nationale Monumenter an der Gemeng Käerjeng
Um Spaweck
[änneren | Quelltext änneren]| Commons: Schlass Kënzeg – Biller, Videoen oder Audiodateien |
Referenzen
[Quelltext änneren]- ↑ "Le château de Clemency a repris la vie en douceur", L'Essentiel, 9 Abrëll 2009.
- ↑ "Barockbau mit modernem Ambiente: Schloss Küntzig in neuem Gewand: Keine verstaubte Antiquität, sondern eine gelungene Verbindung von Alt und Neu", Gemengebuet Gemeng Kéinzig. September 2009, Artikel aus dem Luxemburger Wort, 8. Mee 2009.
- ↑ Château de Clemency: Schlofen tëscht Antiquitéiten a Kuriositéiten (Vakanz Doheem). rtl.lu (28.08.2020). Gekuckt de(n) 30.08.2020.