Sektor Gasa

Sektor gasa, ru. Сектор газа, ass eng russesch Punkgrupp vu Woronesch, déi 1987 vum Bandleader Juri Nikolajewitsch Klinskich, genannt "Choi" gegrënnt gouf. Den Numm ass eng Uspillung op eng Industriezon zu Woronesch déi am Geck no der Gazasträif a Palestina benannt gouf, woubäi den Numm op Russesch wéi "Gaskummer" kléngt.

D'Band

Ausser dem Klinskich selwer huet d'Besetzung vun der Grupp stänneg geännert:

Juri "Choi" Klinskich - Gesank, Texter a Musek - 1987-2000
Oleg Kryutschkow - Drumset - 1988-1990
Igor "Kuschtsch" Kuschtschew - Gittar - 1989-1991
Semjon Titijewskij - Bassgittar - 1988-1991
Sergej Tupikin - Gittar, Bassgittar - 1989-1992
Alexej Uschtschakow - Keyboard - 1989-1995
Alexander Jakuschtschew - Drumset - 1989-1998
Tatjana Fatejewa - Gesank - 1990-1993
Wladimir Lobanow - Gittar (just bei Concerten) - 1991-1992
Igor "Egor" Schirnow - Gittar (just op Albumen) 1991-2000
Witalij Sutschkov - Bassgittar (just bei Concerten) - 1993
Wadim Gluchow - Gittar (just bei Concerten) - 1993-2000
Irina Puchonina - Gesank (just op Albumen) - 1994, 1996
Igor "Kot" Anikejew - Keyboard - 1995-2000
Wasilij Tschernych - Gittar (just bei Concerten) - 1995-1997
Elbrus Tscherkesow - Bassgittar (just op Albumen) - 1997
Valerij Podsorow - Bassgittar - 1997-1998
Veronika Nekiforowa - Gesank (just op Albumen) - 1998
Wasilij Dronow - Bassgittar (just op Albumen) - 2000

Geschicht

Enn der 1980er Joren huet de Fabréckaarbechter Klinskich mat e puer Kolleegen ënner dem Numm "Sektor Gasa" ugefaangen a klenge Rockclibb ze spillen. Hir experimentell Punkmusek ass gutt beim Public ukomm a gläich drop si se iwwer d'Grenze vu Woronesch eraus bekannt ginn. Vun de Massemedie goufe se awer trotz hirem Erfolleg komplett ignoréiert, wat och iergendwéi verständlech war, well egal op hir Lidder elo vu Politik oder Zombien a Vampire gehandelt hunn oder Interpretatioune vu russesche Vollekslidder oder Rockballade waren - d'Texter ware fir gewéinlech extreem vulgär.

Am Alter vun nëmme 36 Joer ass de Klinskich un engem Häerzinfarkt gestuerwen, wat d'Enn vu senger Grupp bedeit huet. Et gouf zwar nach de Versuch vu verschiddene Bandmemberen ënner dem Numm "Ex Sektor Gasa", méi spéit "Woronesch", e Revival ze starten, mä déi Grupp ass ni sou bekannt gi wéi d'Original.

Discographie

1989 – 1. Album – Сектор газа (Gaskummer), (remastered 1993,1997)
1989 – 2. Album – Колхозный панк (Punk aus der Kolchos), (remastered 1991)
1990 – 3. Album – Зловещие мертвецы (Freechlesch Läichen)
1990 – 4. Album – Ядрёна вошь (Gäil Laus)
1991 – 5. Album – Ночь перед Рождеством (Spéit op Hellegowend)
1992 – 6. Album – Гуляй, мужик! (Looss dech goen, Mann!)
1993 – 7. Album – Нажми на газ (Gëff Gas)
1994 – 8. Album – Танцы после порева (Dänz nom Gäisselen)
1994 – 9. Album – Кащей Бессмертный (Kaschtschej, den Onstierflechen) – Punk-Oper aus ëmgetextete Coverversiounen
1996 – 10. Album – Газовая атака (Gasugrëff) – eenzegen Album ouni Obszönitéiten
1997 – 11. Album – Наркологический университет миллионов (Narkologesch Universitéit vun de Milliounen)
2000 – 12. Album – Восставший из ада (Zeréckkomm aus der Häll) – ass eréischt e puer Wochen nom Doud vum Klinskich erauskomm

Aner Opnamen:

Album ouni Numm – inoffiziell Concertsopnam (Bootleg)
Избранное I (Best of I)
Избранное II (Best of II)
Коллекциа – Albumen 1-11 mat all Kéier engem Techno-Remix vum A. Brjanzew (DJ Krot) als Bonustrack
Стёб-хаус remix '99 – inoffiziell Sammlung vun den Techno-Remixen op enger CD
Extasy – weider Techno-Remixe vum DJ Krot
Баллады – roueg Rockballaden, haaptsächlech aus dem Album 10

Um Spaweck