Sergei Witauto Puskepalis
|
Dësen Artikel aus dem Theaterberäich an aus dem Drama ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Sergei Witauto Puskepalis | |
|---|---|
 | |
| Gebuer |
15. Abrëll 1966 Kursk |
| Gestuerwen |
20. September 2022 Oblast Jaroslawl |
| Doudesursaach | Verkéiersaccident |
| Nationalitéit | Sowjetunioun, Russland |
| Aktivitéit | Schauspiller, Theaterregisseur, Theaterschauspiller, Filmschauspiller, Filmregisseur |
 | |
De Sergei Witauto Puskepalis (op Russesch: Сергей Витауто Пускепалис), gebuer de 15. Abrëll 1966 zu Kursk[1] a gestuerwen den 20. September 2022 bei engem Autosaccident an der Géigend vun Jaroslawl[2], war e russeschen Theater- a Filmschauspiller an Theaterregisseur[3] vu litauesch-bulgarescher Ofstamung[4].
Hien ass zu Kursk op d'Welt komm an 1980 ass hie mat senger Famill op Saratow geplënnert. Do huet de Sergei Puskepalis Theater- a Filmregie studéiert, a bis 1998 huet de Kënschtler am Saratower Theater fir jonk Spectateure geschafft[5]. Vun 1998 bis 2001 huet en op der Russescher Akademie fir Theaterkonscht (RATI-GITIS) studéiert, an duerno a verschiddene russeschen Theateren als Regisseur geschafft. 2003 huet hien och eng Filmcarrière als Schauspiller ugefaangen[6].
1999 krut de Puskepalis den Titel Éierekënschtler vu Russland[7]. Hien ass ee vun de bekanntsten Theaterregisseuren a Russland. Als Filmschauspiller hat hie Haaptrollen a Filmer wéi Prostyje weschtschi (Простые вещи, "Einfach Saachen"; 2006) a Kak ja prowjol etim letom (Как я провёл этим летом, "Wéi ech dëse Summer verbruecht hunn"; 2010). Fir d'Roll als Sergei, engem vun zwéin Haaptpersonnagen am Film Kak ja prowjol etim letom, krut hien zesumme mat sengem Matspiller Grigori Dobrygin e Grand Prix fir de beschte Schauspiller op der Berlinale 2010[8].
Trotz den Originnen - als Fils vun engem litauesche Papp an enger bulgarescher Mamm, schwätzt hie schlecht Litauesch a kee Bulgaresch[4]. De Sergei Puskepalis gouf als en aktiven Ënnerstëtzer vun der sougenannter "Volleksrepublik Donezk" bekannt[9].
An den 1980er Jore war seng Fra d'Saratower Theateractrice Elwira Danilina. De Fils aus sengem nächsten, zweete Bestietnes, de Gleb Puskepalis, ass och Schauspiller[6].
Um Spaweck[änneren | Quelltext änneren]
| Commons: Sergei Puskepalis – Biller, Videoen oder Audiodateien |
Referenzen[Quelltext änneren]
- ↑ https://ruskino.ru/art/5678
- ↑ https://www.kommersant.ru/doc/5571044 (ru)
- ↑ https://www.kommersant.ru/doc/1330164
- ↑ 4,0 4,1 https://showbiz-life.ru/lichnaya-jizn-sergeja-puskepalisa/
- ↑ https://www.saratov.kp.ru/daily/24470.4/629586/
- ↑ 6,0 6,1 http://www.saratov-kultura.ru/actor/puskepalis_s_v.html
- ↑ http://archive.li/R3WIJ
- ↑ https://www.webcitation.org/66xqXmc8r?url=http://www.berlinale.de/en/das_festival/preise_und_juries/preise_internationale_jury/index.html
- ↑ https://meduza.io/feature/2018/12/04/boevye-tovarischi-s-donbasskimi-kornyami