Supjesbox
Eng Supjesbox ass eng laang Box, déi ënnen un de Boxebee Bänner huet, déi ënner de Féiss erduerchginn (dohier den Numm, dee vu sous-pied ofgeleet ass), a solle verhënneren, datt sech d'Boxebeen eropstrëppen. Vill Ski- a Reitboxe gehéieren zu de Supjesboxen.
Am Renert ernimmt de Michel Rodange déi Zort Box am néngte Gesank:
- Dir wësst, ech war Ramplassang,
- Ramplassang fir e Fochs;
- Ech hat e grénge Mantel
- an och eng Supjesbox
Am Michel Lentz sengem De Fräsch an den Ochs gëtt déi "Bochs" vun engem Ochs gedroen:
Déi drëtt Strof an der Welter-Engelmann-Schreifweis:
- Hei ko'm um Summerwe e gro'sse schwe'ren Ochs
- Op he'ge Spillebên an enger Zupjesbochs
- Am Lengent bis un d'Nues, wern'ert Stiwlen un,
- E Schnëppel op de Mo'd mat enger Kastors Dunn.
