Syndicat d'initiative et du tourisme de la commune de Kayl
De Syndicat d'initiative et du tourisme de la commune de Kayl, ofgekierzt SITCK, ass ee Veräin dee sech an der Gemeng Keel ëm den Tourismus a verschidde Verbesserungen an Amenagementer beméit. Un de Syndikat sinn 72 Veräiner (Stand 2011) aus der Gemeng ugeschloss.
De SITCK gëtt ënner anerem zanter dem Joer 1993 reegelméisseg (all dräi Méint) seng Informatiounsschrëft D'Bliedchen eraus. Vill interessant Artikelen an d'Aktivitéite vun de Veräiner fënnt een an dëser 60 Säite staarker Lokalschrëft.