TCP/IP-Protokollstapel

Vu Wikipedia
Wiesselen op: Navigatioun, sichen

Den TCP/IP-Protokollstapel oder TCP/IP-Referenzmodell (engl: protocol stack) ass ee Schichtemodell, dat d'Kommunikatiounsprotokoller aus der Internet-Protokoll-Famill (engl: internet protocol suite), jee no hiren Aufgaben a prinzipiell véier openeen opbauent Schichten andeelt.

Dës Andeelung ass net aus Spezifikatioune vun engem Standardiséierungskommitee, wéi et beim ISO/OSI-Referenzmodell de Fall ass, mä ass aus den Ufuerderungen an den Erfarungen aus der Entwécklung vum Internet entstanen. Béid Modeller loosse sech awer souwäit uneneen upassen.

Protokollstapel[änneren | Quelltext änneren]

Protokoller (Auswiel)
Uwennungsschicht DNS HTTP FTP SMTP POP3 Telnet SSH
Transportschicht TCP UDP
Internetschicht IP (IPv4, IPv6) ICMP
Netzzouganksschicht Ethernet Token Ring FDDI

Netzzouganksschicht[änneren | Quelltext änneren]

D'Netzzouganksschicht oder Bitiwwerdroungsschicht (engl: Physical Layer oder Host-to-Network Layer) huet als Haaptaufgab dofir ze suergen, datt eng sécher Iwwerdroung vun den Datepäck tëscht zwee benoperte Computeren kann oflafen. Déi z'iwwerdroe Bits ginn zu Datepäck vun enger bestëmmte Gréisst zesummegesat a mat enger Préifzomm ergänzt, so datt Iwwerdroungsfeeler erkannt kënne ginn. Déi bekanntst Protokoller op dëser Schicht, déi sech dëser Aufgab unhuele sinn Ethernet, Token Ring oder FDDI.

Internetschicht[änneren | Quelltext änneren]

D'Internetschicht (engl: Internet Layer) ass fir Weidervermëttelung vun den Datepäck iwwer verschidden Netzwierker zoustänneg (Routing). D'Aufgab vun dëser Schicht ass et, fir zu engem empfaangene Pak dat nächst Tëschenzil z'ermëttelen a schliisslech de Pak dohi weiderzeleeden. Zu dësem Zweck muss een eendeitegt Adresséierungsschema benotzt ginn an all Noriicht mat enger Ziladress ergänzt ginn.

Dat zentraalt Protokoll op dëser Schicht an iwwregens vum Internet ass d'Internet Protocol (IP), dat een onzouverlässegen a verbannungslosen Ausliwwerungsdéngscht parat stellt, dee just nom Best-Effort-Prinzip schafft a sech der Weiderleedungsaufgab unhëlt. E weidert Protokoll op dëser Schicht ass d'ICMP-Protokoll, dat sech ëm Feelermeldunge këmmert, déi bei der IP-Iwwerdroung optriede kënnen.

Transportschicht[änneren | Quelltext änneren]

D'Transportschicht (engl: Transport Layer) déngt an éischter Linn der Hirstellung vun enger Kommunikatiounsverbindung tëscht zwee Uwennungsprogrammer, déi op verschiddene Computere sinn.

Dat wichtegst Protokoll op dëser Schicht ass Transmission Control Protocol (TCP), dat fir eng zouverlässeg a bidirektional Kommunikatioun suergt, sou datt déi eenzel Datepäck feelerfräi an an der richteger Reiefolleg beim Destinataire ukomme kënnen. Eng aner Aufgab vun dësem Protokoll ass et fir wa méiglech Iwwerlaaschtsituatioune ze verhënneren.

E weidert net sou komplext Protokoll op dëser Schicht ass User Datagram Protocol (UDP), wat eng onzouverlässeg a verbanndungslos Kommunikatioun erméiglecht an domat een héijen Datenduerchsaz garantéiert. Allerdéngs muss hei mat Dateverloschter a mat Problemer an der Reiefolleg vun den Datepäck gerechnet ginn.

Uwennungsschicht[änneren | Quelltext änneren]

D'Uwennungsschicht (engl: Application Layer) ëmfaasst all Protokoller, déi mat engem Uwennungsprogramm zesummeschaffen an Netzwierkinfrastruktur fir den Austausch vun den Daten notzen. Grondsätzlech Aufgab vun dëser Schicht läit also an der Bereetstellung vun enger Schnëttstell zu den eegentlechen Uwennungsprogrammer, déi iwwer Netz kommunizéiere wëllen. D'Uwennungen usech gehéieren awer net zu der Schicht an och net zum Stapel. Zu dëser Schicht gehéieren e ganze Koup vu Protokoller, wéi zum Beispill:

Literatur[änneren | Quelltext änneren]