Wikipedia:Nummkonventiounen/Georgesch
D'georgesch Sprooch huet en eegene Schrëftsystem (Mchedruli). Fir Nimm vu Plazen oder Persounen aus Georgien a lëtzebuergeschen Texter an eben och an dëser Enzyklopedie duerzestellen, ass vun dohir eng Iwwerdroung vun de Schrëftzeechen an d'laténgescht Alphabet noutwänneg. Dës Iwwerdroung nennt een Transkriptioun. Am Géigesaz zu enger Transliteratioun gëtt mat enger Transkriptioun versicht, georgesch Wierder ausschliisslech mat den Zeechen an Zeechekombinatiounen aus dem Lëtzebuergeschen nees erëmzeginn. Alleng mat Lëtzebuergeschkenntnisser ass et doduerch méiglech, georgesch Wierder onmëttelbar ze liesen. Well am Georgeschen awer och Lauter existéieren, déi sech net mam lëtzebuergeschen Alphabet duerstelle loossen, ass eng Transkriptioun am Géigesaz zu enger Transliteratioun ëmmer nëmmen e Versuch, no un d'Original erunzekommen.
Leider existéiere méi Systemer fir d'Transkriptioun, déi awer meeschtens duerch d'englesch Sprooch kommen. Hir Uwennung an enger lëtzebuergescher Enzyklopedie géif zu immens ongewinnte Schreifweise vu prominente Georgier oder Uertschaftsnimm féieren. Sou schreift een Eduard Schewardnadse am Engleschen zum Beispill Eduard Shevardnadze, d'Stad Rustawi schreift sech do Rustavi. Bal d'selwecht ongewinnte Schreifweise géifen och bei der Benotzung vun enger Transliteratioun entstoen, déi hir Plaz meeschtens nëmmen am Beräich vun der Wëssenschaft huet, net awer an Texter wéi an enger Enzyklopedie.
Aus dësem Grond gouf fir d'Wikipedia eng méi praxisorientéiert Transkriptioun entwéckelt. Hir Benotzung gëtt fir georgesch Nimm op der lb-Wikipedia ugeroden.
Transkriptioun
[Quelltext änneren]| Georgesche Bustaf | Unicode | Numm | offiziell Transliteratioun | ISO-Standard 9984:1996 | Lëtzebuergesch Transkriptioun | Aussprooch |
|---|---|---|---|---|---|---|
| ა | U+10D0 | AN | A a | A a | A a | |
| ბ | U+10D1 | BAN | B b | B b | B b | |
| გ | U+10D2 | GAN | G g | G g | G g | |
| დ | U+10D3 | DON | D d | D d | D d | |
| ე | U+10D4 | EN | E e | E e | E e | wéi bei "Bett" |
| ვ | U+10D5 | VIN | V v | V v | W w | |
| ზ | U+10D6 | ZEN | Z z | Z z | S s | wéi bei "Seegel" |
| თ | U+10D7 | TAN | T t | T’ t’ | T t | |
| ი | U+10D8 | IN | I i | I i | I i | |
| კ | U+10D9 | KAN | K’ k’ | K k | K k | K wéi am Franséischen |
| ლ | U+10DA | LAS | L l | L l | L l | wéi am Russeschen |
| მ | U+10DB | MAN | M m | M m | M m | |
| ნ | U+10DC | NAR | N n | N n | N n | |
| ო | U+10DD | ON | O o | O o | O o | |
| პ | U+10DE | PAR | P’ p’ | P p | P p | P wéi am Franséischen |
| ჟ | U+10DF | ZHAR | Zh zh | Ž ž | Sch sch | wéi "Genre" oder "Jacques" |
| რ | U+10E0 | RAR | R r | R r | R r | gerullten R |
| ს | U+10E1 | SAN | S s | S s | S s (ss)1 | wéi bei "ist" |
| ტ | U+10E2 | TAR | T’ T’ | T t | T t | T wéi am Franséischen |
| უ | U+10E3 | UN | U u | U u | U u | |
| ფ | U+10E4 | PHAR | P p | P’ p’ | P p | P wéi bei "Pech" |
| ქ | U+10E5 | KHAR | K k | K’ k’ | K k | K wéi bei "Kanu" |
| ღ | U+10E6 | GHAN | Gh gh | Ḡ ḡ | Gh gh | Hals-R |
| ყ | U+10E7 | QAR | Q’ q’ | Q q | Q q | tëscht ღ an ხ |
| შ | U+10E8 | SHIN | Sh sh | Š š | Sch sch | |
| ჩ | U+10E9 | CHIN | Ch ch | Č’ č’ | Tsch tsch | |
| ც | U+10EA | CAN | Ts ts | C’ c’ | Z z | wéi bei "Zon" |
| ძ | U+10EB | JIL | Dz dz | J j | Ds ds | wéi დზ |
| წ | U+10EC | CIL | Ts’ ts’ | C c | Z z | kuerz geschwat |
| ჭ | U+10ED | CHAR | Ch’ ch’ | Č č | Tsch tsch | kuerz geschwat |
| ხ | U+10EE | KHAN | Kh kh | X x | Ch ch | wéi bei "Achtung" |
| ჯ | U+10EF | JHAN | J j | Ĵ ĵ | Dsch dsch | wéi am Engleschen "John" |
| ჰ | U+10F0 | HAE | H h | H h | H h |
Formatéierung
[Quelltext änneren]Beim éischten Optriede vun engem Numm soll d'georgesch Schreifweis ernimmt ginn.
| Sou gesäit et aus | Doraus ergëtt sech |
| Eduard Saakaschwili (Georgesch ედუარდ სააკაშვილი; * 1. Januar 1900 zu Tiflis; † 31. Dezember 2000 zu Kutaissi) war ... |
'''Eduard Saakaschwili''' ([[Georgesch]] ედუარდ სააკაშვილი; * [[1. Januar]] [[1900]] zu [[Tiflis]]; † [[31. Dezember]] [[2000]] zu [[Kutaissi]]) war ... |
No de georgeschen Zeeche steet e Semikolon.