Wikipedia:WikiProjet Kënschtler

Dës ass eng Projetssäit iwwer Kënschtler vu Lëtzebuerg (Moler, Sculpteuren, asw.)

D'Iddi ass et, systematesch all Artikelen zum Sujet, déi zum Deel nach aus den Ufanksjore vun dëser Wiki sinn, op de Leescht ze huelen, an ze vereenheetlechen, respektiv, wou néideg a méiglech, auszebauen.

Eng grouss Hëllef kéint dem User:Ronn seng exemplaresch Projetssäit Rétrospective an der hollännescher Wiki sinn: Hien ass amgaang, unhand vun der Publikatioun vum CAL Rétrospective : Cent ans d'art luxembourgeois 1893-1993 (an enger sëllegen anere Quellen) Honnerte vun Artikelen op Hollännesch unzeleeën oder auszebauen, heiansdo och an enger lëtzebuergescher Iwwersetzung.

Et kéint een deemno seng Artikelen iwwersetzen oder verschaffen (net vergiessen, dat unzeginn), an an engems eventuell kleng Onstëmmegkeeten op der nl:Wiki verbesseren.

Och misst all Kënschtler-Artikel mat dem neien Online-Lexikon vum Kulturministère verlinkt ginn (wou eventuell weider nëtzlech Informatioune fir hei ze fanne sinn.

Ech proposéieren deemno, een Artikel zesummen erauszesichen a vun Inhalt an Opbau hier op en optimale Stand ze bréngen, deen dann als Stuel fir all déi aner dénge kann.