Amerikanesche Bison
| Amerikanesche Bison | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 |
|||||||||||||||||||
| Systematik | |||||||||||||||||||
|
|||||||||||||||||||
| Wëssenschaftlechen Numm | |||||||||||||||||||
| Bison bison Linnaeus |
|||||||||||||||||||
Den Amerikanesche Bison (oder einfach Bison; Bison bison) ass en nordamerikanescht Rënd vun der Gattung Bisonen.
Den Amerikanesche Bison huet eng Schëllerhéicht vun 1,90 Meter an ass bal 3 Meter laang. E ka 50 km an der Stonn lafen. De Stéier ka bis 900 kg schwéier ginn, d'Bison-Kou hallef esou vill.
Amerikanesch Bisone ginn ongeféier 25 Joer al. Hire Pelz besteet aus zwou Loen: eng waarm bannenzeg Lo an eng déck, baussenzech Lo, déi schützt. Wann s'op d'Welt kommen, kënne kleng Bisone schonns no enger halwer Stonn stoen, an e puer Stonnen drop lafen.
D'Kéi an d'Kälwer vun de Bisone liewe gewéinlech an Träpp vun enger 50 Déieren, d'Stéiere sinn Eenzelgänger oder liewen a klenge Gruppen. Am August a September sichen se sech Kéi fir sech ze verkoppelen.
Den Wisent (oder Europäesche Bison), an der Aler Welt ass enk Famill mat him.
Et ginn haut eng 30.000 Exemplare vum Amerikanesche Bison; en ass deementspriechend geschützt. Virum 19. Joerhonnert gouf et nach Milliounen där Béischten, déi all Joers laangscht sougenannte "Büffelpied" am Fréijoer an den Norden, am Hierscht an de Süde gezu sinn.
D'Indinaer hunn zënter jehier Juegd op de Bison gemaach, wat awer keng Menace fir d'Aart bedzeit huet. Eréischt am 19. Joerhonnert gouf vun den europäeschen Awanderer de Bison systematesch, scho bal industriell, gejot, woubäi bei all Juegd alt honnerten oder dausende Béischte geschoss goufen. Et hätt net vill gefeelt, an de Bison wier komplett ausgerott ginn.
-
-
-
En Indianer op Bisonjuegd
