Chronogramm

D'Wuert Chronogramm kënnt aus dem Griicheschen, a setzt sech zesummen aus de Wierder fir Zäit a Schrëft.

E Chronogramm ass e Saz, Vers oder Sproch, an deem eng Zuel verstoppt ass. Et ka sech ëm d’Baujoer vun engem Gebai handelen. Dëse Saz gëtt esou geschriwwen, dat déi Buschstawen déi kënnen zesummegezielt ginn, erausstiechen, sief et datt se méi grouss geschriwwe ginn oder eng aner Faarf kréien. Meeschtens sti Chronogrammen op alen Dokumenter oder Gebaier, ewéi och op Kierchen. Well et sech em réimesch Zuelen handelt, gëtt och de Saz meeschtens op Latäin geschriwwen.

Beispiller

• E Chronogramm steet z.B. iwwert der Haaptentrée vun der Parkierch Saint Sébastien vu Rëmeleng.

Mir liesen do : QVI CHRISTO SERVIS, VENI QVAESO, EX CORDE OREQVE SEBASTIANVM COLE !

V+I+C+I+V+I+V+I+V+X+C+D+V+I+V+M+C+L = 5+1+100+1+5+1+5+1+5+10+100+500+5+1+5+1000+100+50= 1895

Op lëtzebuergesch: Deen, deen's du Christus dings, w.e.g. komm, veréier den Hellege Sébastien mat Häerz a Mond!

• E Neijooschdagswonsch vum Wiki als Chronogramm

wIkI: "e froVe ChresChtDag, zefrIDDenheet an e gLéCkLeCht neIt Ioer"

I + I + V + C + C + D + I + D + D + L + C + L + C + I + I = 2010

• BONVM ANNVM: V + M + V + M = 2010

Literatur zum Thema

• Hilton, James, Chronograms, 5000 and more in number, excerpted out of various authors and collected at many places, Elliot Stock, London, , 1882.
• Hilton, James Chronograms, continued and concluded, more than 5000 in number, a supplement volume to ‘Chronograms,’ published in the year 1882, Elliot Stock, London, 1885.
• Hilton, James, Chronograms, Collected more than 4000 in number since the publication of the two preceeding volumes in 1882 and 1885, Elliot Stock, London, 1895.
  • Den James Hilton ass dee bekannteste Sammler vu Chronogrammen.

Linken

Kuckt och

• Chronogramm op der Jonglënster Kierch
• Chronogramm an der Nikloskierch zu Veianen

Um Spaweck

• Chronogramm Assistent
• Chronogrammen zu Lëtzebuerg (Deel vum Projet Latein auf Stein aus dem Kolléisch)
• Eng interessant däitschsproocheg Websäit mat Bespiller
• De Chronogramm-Artikel aus der Jewish Encyclopaedia

Commons: Chronograms in writing – Biller, Videoen oder Audiodateien