Fësch

Dëse Biologiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Dës Säit beschäftegt sech mat dem Déierestamm vun de Fësch. Fir aner Bedeitungen, kuckt w.e.g. Fësch (Homonymie).

Fësch si wiesselwaarm Wierbeldéieren a gehéieren zum Stamm vun de Chordadéieren. Mat iwwer 33.300 Aarte stellen d'Fësch méi wéi d'Halschent vun den haut liewende Wierbeldéieren.

D'Fësch stelle kee monophyleteschen Taxon duer, dat heescht si stamen net vun demselwechten Taxon of. Si ginn an der zoologescher Systematik dacks tëschent Gänseféissecher gesat ("Fësch", "Pisces"), fir se als paraphyletescht Taxon ze kennzeechnen.

Liewensraum

Fësch fënnt een am Séisswaasser an am Mier.

Beschreiwung

Si hunn e stroumlinniefërmege Kapp a Kierper mat enger schläimeger a glater Haut. Hir Flossen, déi der Fortbewegung déngen, si mat knachegen a knorpelegen Flossestrale gestäipt. Iwwer d'Kimen huele si Sauerstoff aus dem Waasser op. No der Kierperform an dem Kierperbau ënnerscheet een dräi grouss Gruppen: déi ouni Kifer, d'Knorpelfësch an d'Schankefësch.

E Fëschplat am Restaurant

Wirtschaftlech Bedeitung a Menacen

A wirtschaftlecher Hisiicht bedeitend ass d'Fëscherei, mee och den Handel mat Zierfësch. Déi zwéi kënnen awer d'Fëschbestänn bedréien. Weider Gefore fir d'Fësch si Schuedstoffbelaaschtung, Flossverbauung, Erwäermung an Ausdréchnen.

Ökotoxikologesch Bedeitung

D'Fësch sinn der Waasserqualitéit (Sauerstoffkonzentration, pH-Wäert, Temperatur, geléisten natierlech an anthropogen Matièren) iwwer hir Kimen direkt ausgesat a reagéieren dowéinst emfindlech op d'Verschmotzung. Se dinge vun dohir och als wäit verbreeten Test- a Monitoring-Aarten an als wëssenschaftlech Modellorganismen an der Ökotoxikologie.

Kuckt och

Cabillaud | Chapon | Frell | Hiecht | Hierk | Laangfësch | Lotte | Saumon | Sardinn | Sole | Sole limande

Bibliographie

• Boulénger, G.-A., 1909. Catalogue des Poissons du Congo du Musée d'Histoire Naturelle du Luxembourg. Faune du Sankuru à Kondué. Bull. Soc. Nat. luxemb. 19: 189-202.
• Feltgen, Ernest, 1902. Vademecum des Luxemburger Fischereiliebhabers. 148 S., P. Worré-Mertens, Luxemburg.
• Ferrant, Victor, 1915. Faune du Grand-Duché de Luxembourg, première partie: Poissons. Bull. Soc. Nat. luxemb. 25.1: 436-515.
• Fontaine, Alphonse-Joseph de la, 1872. La description des poissons observés dans le pays de Luxembourg. Faune du pays de Luxembourg ou manuel de zoologie, vol. 5. 89 + V p., Bück, Luxembourg.
• Krier, A., M. Lauff, G. Molitor & A.M.M. Molitor, 1992. La récupération des poissons lors de la vidange du lac de barrage d'Esch-sur-Sûre en 1991. Aspects physico-chimiques et biologiques. Bull. Soc. Nat. luxemb. 93: 71-82.
• Lauff, Max, 1986. Vergleichende Studie der Salmonidenpopulationen (Salmo trutta f. fario und Thymallus thymallus) der Sauer und der Attert. Unveröff. Studie im Auftrag des Umweltministeriums des Grossherzogtums Luxemburg, 55 S., Luxemburg.
• Lauff, Max, 1991. Potentielle Laichplätze und Jungfischhabitate für Langdistanz-Wanderfische im Einzugsgebiet der Sauer. Studie im Auftrag der Gewässer- und Forstverwaltung, 73 S., Luxemburg.
• Molitor, M., R. Schauls & G. Zangerlé, 1985. Ons Fësch an hire Liewensraum. Emwelterzéiung an der Schoul. Musée d'histoire naturelle, Centre écologique Hollenfels & Administration des eaux et forêts (Hrsg.). 65 S., Luxembourg.
• Pelz, G. R., 1991. Lebensraum und Fischfauna der Grenzgewässer Mosel, Sauer, Our. 276 S. Advanced-Biology-Verl.Ges., Köln.
• Troschel, H.J. & G. Bartl, 1998. Fische in Luxemburg. Kartierung der Fische, Neunaugen und Flusskrebse des Grossherzogtums Luxemburg (Rote Liste der Fische, Neunaugen und Flusskrebse). 168 S., Administration des eaux et forêts (Hrsg.), Mamer, Graphic Press.
• Zangerlé, Gilbert, 1980. Les poissons des eaux courantes du Grand-Duché de Luxembourg. Institut grand-ducal de Luxembourg, Section des sciences naturelles, physiques et mathématiques, Archives N.S. 39 (1979-1980): 55-70.

Commons: Fish – Biller, Videoen oder Audiodateien