Jules Salentiny (Forstingenieur)
|
Dësen Artikel beschäftegt sech mat dem Forstingenieur Jules Salentiny. Fir aner Leit mat dem selwechten Numm, kuckt wgl. Jules Salentiny. |
| Jules Salentiny | |
|---|---|
| Gebuer |
2. September 1854 Dikrech |
| Gestuerwen |
9. Abrëll 1931 Dikrech |
| Nationalitéit | Lëtzebuerg |
| Aktivitéit | Ingenieur |
| Famill | |
| Kanner | Jules Salentiny |
 | |
De Jules Salentiny, gebuer den 2. September 1854 zu Dikrech, an do gestuerwen den 9. Abrëll 1931[1], war Direkter vun der lëtzebuergescher Forstverwaltung[2].
Am Oktober 1879 ass de Jules Salentiny Accessiste-forestier ginn[3]. Am Dezember 1886 gouf hie Garde général de 2e classe am Cantonnement Miersch[4]. Am Januar 1894 gouf hie Garde général de 1re classe, nach ëmmer zu Miersch[5]. Am Oktober 1909 krut hie seng Nominatioun als Inspekter[6].
De 25. November 1918 gouf de J. Salentiny Direkter vun der Forstverwaltung genannt[7]. Den 1. Januar 1923 ass hien an d'Pensioun gaangen[8].
Säin Nofollger war de Hubert Bertrang, deen den 21. Dezember 1922 Direkter vun der Forstverwaltung gouf.
De Jules Salentiny war Member vum Conseil supérieur forestier[1]. Hie war och Member vun der Section des sciences vum Institut grand-ducal; seng Admissioun als Membre agrégé ass an der Sëtzung vum 22. Dezember 1920 proposéiert ginn, an der Reunioun vum 8. Juli 1922 gouf hien definitiv opgeholl[9].
Dem Jules Salentiny säi Papp war den Affekot Charles Jean Pierre Salentiny (1825-1893) vun Ettelbréck, a seng Mamm d'Joséphine Lucie Heck (1828-1903) vun Dikrech. De J. Salentiny hat sech de 16. Mee 1893 an der Stad Lëtzebuerg mat der Marie Schaaf (*1859) vun Ettelbréck bestuet[10]. Hie war de Papp vum Jurist a Magistrat Jules Salentiny (1894-1962)[1].
Gielchen
[änneren | Quelltext änneren]- Officier am Ordre de la Couronne de Chêne.[1]
Literatur
[änneren | Quelltext änneren]- Wolter, F., 2015. Aperçu de l'évolution historique de l'Administration depuis sa création en 1840. In: Administration de la nature et des forêts, 1840 - 2015: 175 Joer am Déngscht vu Mënsch an Natur. Luxembourg, Administration de la nature et des forêts, S. 141-189.[6]
Referenzen
[Quelltext änneren]- ↑ 1,0 1,1 1,2 1,3 Luxemburger Wort 1931-04-10, S. 6, Nr. 100 (avis mortuaire).[1]
- ↑ Wolter 2015, S. 181.
- ↑ Mémorial 1879, N° 68, S. 808 (arrêté royal grand-ducal en date du 22 octobre).[2]
- ↑ Mémorial 1886, N° 65, S. 695 (arrêté royal grand-ducal du 22 [décembre].[3]
- ↑ Mémorial 1894, N° 3, S. 22 (arrêté grand-ducal en date du 10 janvier courant).[4]
- ↑ Mémorial 1990, N° 67, S. 1016
- ↑ Mémorial 1918, N° 78, S. 1390 (arrêté grand-ducal du 25 novembre courant).[5] Cf. Wolter 2015, S. 181.
- ↑ Luxemburger Wort 1923-01-01, S. 3, Nr. 1/2 (Forstverwaltung)
- ↑ Archives de l'Institut grand-ducal de Luxembourg, section des sciences naturelles, physiques et mathématiques N.S. 8 (1917-1924), S. 25 a 26.
- ↑ deltgen.com