Ettelbréck

Vu Wikipedia, der fräier Enzyklopedie.
Wiesselen op: Navigatioun, sichen
Ettelbréck
An anere
Sproochen:		 fr: Ettelbruck
de: Ettelbrück
Land: Flag of Luxembourg.svg Lëtzebuerg
Distrikt: Dikrech
Kanton: Dikrech
Gemeng: Coat of arms ettelbruck luxbrg.png Ettelbréck
Buergermeeschter: Jean-Paul Schaaf (CSV)
Koordinaten: 49° 50' 47" N
06° 05' 57" O
Uertschaften - Gemengen - Stied
Kierch
D'Stadhaus

D'Stad Ettelbréck ass eng Uertschaft am Zentrum vu Lëtzebuerg an Haaptuert vun der Gemeng mat deemselwechte Numm.

Inhaltsverzeechnes

[änneren] Geographie

Ettelbréck läit op enger Héicht vun 199 Meter iwwer NN. Duerch d'Uertschaft Ettelbréck fléissen d'Uelzecht an d'Waark. Den déifste Punkt ass nieft Déifert am All op 191.5 m do wou d'Uelzecht an d'Sauer leeft.

Déi héichste Plaz ass um westlechsten Eck vun Ettelbréck am Wald nieft dem CR 345 op der Grenz mat der Gemeng Feelen tëscht dem Kräizwee an der Useldéngerfréin op enger Héicht vun 386 m.

[änneren] Geschicht

Zu den Originë vum Numm "Ettelbréck" ginn et verschidden Theorien: Enger vun hinnen no wier den Numm op "Atilbriga", zeréckzeféieren, dat op indogermanesch "fruchtbare Buedem" bedeite géif. Eng aner seet, e géifg op den Hunnekinnek Attila (och als "Etzel" bekannt) zeréck. D'Hunne solle bei der haiteger Gemeng Schieren eng Bréck iwwert d'Uelzecht gebaut hunn an der spéiderer Stad sou den Numm ginn hunn. (Etzelbréck -> Ettelbréck).

Duerch eng Poopstbull vun 1148 an 1161 ass Ettelbréck ënnert d'Herrschaft vun der Abtei Iechternach komm.

Ettelbréck, dat puer mol verbrannt ass, huet a senger Geschicht schwéier Zäite matgemeet. Et ass puer mol verbrannt, well d'Stréidiech hunn deemools d'Feierkatatastrophen begënstegt. Déi schrooste Feierkatastroph war 1778, wéi gläich 480 Haiser ganz verbrannt sinn. Eng Strooss vun Ettelbréck, den Aeschenhiwwel, erënnert haut nach un dës Katastoph. Well d'Bierger schlecht dru waren, hu si der deemoleger Landesfürtsin Maria-Theresia geschriwwen a si ëm Hëllef gebieden. Si huet dunn hinnen d'Erlabnes ginn, fir all Mount e groussen Maart ofzehalen.

Ettelbréck als Portal vum Norden huet vill vum Bauerewiesen am Éislek profitéiert. D'Véi- an d'Bottermäert, d'Akerbauschoul, de Landwirtschaftleche Verband, d'Ettelbrécker Molkerei an d'Ettelbrécker Gare, wou d'Baueren hir geschlasse Lou verfracht hunn, ware lauter positiv Elementer an dëser Entwécklung.

Am Laf vun der Zäit ass Ettelbréck zu enger Industriestad ginn, wéi géint Mëtt vum 19. Joerhonnert d'Bridder Godchaux zu Ettelbréck eng Wollwäscherei an eng Spannfabrik opgemaach hunn. Och d'Miwwel- an d'Tubaksbranche hu sech zu Ettelbréck niddergelooss.

Ze ernimmen ass och nach een historecht Ereegnes: Um Kiosk op der Schoulplaz gouf de 5. Juni 1864 déi Lëtzebuerger Nationalhymn, Ons Heemecht, fir d'éischt ëffentlech opgefouert.

Duerch d'Gesetz vum 4. August 1907 huet Ettelbréck den Titel "Stad" kritt. (zesumme mat Diddeleng a Rëmeleng).

Hir schwéierst Zäit hat d'Stad wéi all aner Gemengen vum Éislek am Zweete Weltkrich wéi de Sauerdall d'Südflank vun der Ardennenoffensiv gebilt huet.

Nom Zweete Weltkrich ass zu Ettelbréck de Brauch ageféiert ginn, den alliéierten Befreier ze gedenken. Ettelbréck gouf zur "Patton"-Stad an huet dem Generol George S. Patton e Square Patton ageriicht.

[änneren] Eckdaten

    •  :1532 an 1543: Ettelbréck ass duerch e Feier zerstéiert ginn; op déi Zäit zréck geet wahrscheinlech de Begreff Äschenhiwwel, d'Bezeechnung fir een Deel vu der Uertschaft, zréck
    • 1742: Déi éischt stenge Bréck iwwert d'Uelzecht gëtt gebaut
    • 1778; Neit grousst Feier zu Ettelbréck; 480 Haiser ginn zerstéiert, d'Kierch an den Deel rondrëm bleiwe verschount
    • 1780: D'Maria Theresia acordéiert der Uertschaft 11 zouätzlech Mäert, datt si d'Käschten vum Opbau bestreide kann
    • 1795: Ettelbréck gëtt, wéi déi aner Uertschaften vu franséischen Truppe besat
    • 1841: De Grondstee vun der Parkierch vun haut gëtt geluecht
    • 1862: D'Eisebunnslinn Lëtzebuerg-Ettelbréck gëtt ageweit, an am selwechte Joer geet och d'Deelstreck Ettelbréck-Dikkrech fir de Verkéier op
    • 1864: Op engem Gesangfest gëtt d'Nationalhymn d'Uelzecht zu Ettelbréck fir d'éischt opgeféiert
    • 1865: D'Godchaux-Duchfabrik entsteet
    • 1883: D'Chamber beschléisst de Bau vun enger Ackerbauschoul zu Ettelbréck
    • 1883: Éischt Aackerbauaustellung zu Éttelbréck
    • 1907:De Groussherzog Wilhelm ermächtegt Ettelbréck, zesummen mat Déifferdeng, Diddeleng a Rëmleng den Titel als Stad ze droen
    • 1914: 1. Weltkrich: D'Gare an d'Post gi vu däitschen Truppen besat
    • 1919: Den amerikanesche Generol Pershing hëlt an de Wisen tëscht Ettelbréck an Ierpeldeng eng Truppeparade of, un där 21000 Zaldoten deelhuelen
    • 1932: Déi nei Akerbauschoul gëtt a Presenz vum Prënz Felix ageweit
    • 1940: Däitsch Truppen besetzen d'Land
    • 1941: Déi däitsch Éirepuert gëtt vun Ettelbrécker Patrioten ugestach an och Hackekräizfändelen um Fussballsterrain rofgerappt. Duerfir mussen 21 Ettelbrécker Geiselen an de Prisong
    • 1944: Ettelbréck gëtt vun amerikaneschen Truppen befreit
    • 1944: Rundstett-Offensive, duerch déi e groussen Deel vun Ettelbréck zerstéiert gëtt
    • 1976: Den Edouard Juncker gëtt Buergermeeschter a behält déi Funktioun bis 1998
    • 1978: Aweiung vu der klenger Umgehungsstrooss iwwert de Kanal
    • 1997: Aweiung vu der Foussgängerzon am Zentrum vu der Uertschaft

[änneren] Economie

Zu Ettelbréck sinn 285 Geschäfter an 88 Branchen, 10.000 Meter carré Foussgängerzon an 1.948 Parkplazen, dovu sinn der 1.519 gratis.

[änneren] Kuckeswäertes

La vague vum Lucien Wercollier

[änneren] Literatur

  • Flies, Joseph: Ettelbrück, die Geschichte einer Landschaft, 2274 Säiten, 1970, Imprimerie Saint-Paul
  • 100 Joer Ettelbréck, Bäilag vum Wort vum 6. Juni 2007, 36 S.

[änneren] Bekannt Ettelbrécker

[änneren] Linken

[änneren] Kuckt och

[änneren] Um Spaweck

Commons: Ettelbréck – Biller, Videoen oder Audiodateien
Vun „http://lb.wikipedia.org/w/index.php?title=Ettelbréck&oldid=1253245“
Perséinlech Tools
Nummraim

Varianten
Aktiounen
Navigatioun
Geschirkëscht