Justus von Liebig

Vu Wikipedia
Justus von Liebig
Gebuer 12. Mee 1803
Darmstadt
Gestuerwen 18. Abrëll 1873
München
Educatioun Friedrich-Alexander-Universität,
Universitéit Bonn
Aktivitéit Chimist, Erfinder, Universitéitsprofesser, Agronom, Schrëftsteller
Member vun Royal Society, Däitsch Akademie vun den Naturfuerscher Leopoldina, Schweedesch Akademie vun de Wëssenschaften, Bayeresch Wëssenschaftsakademie, Sankt Petersbuerger Akademie vun de Wëssenschaften, Ungaresch Wëssenschaftsakdemie, American Academy of Arts and Sciences, Koninklijke Nederlandse Akademie van Wetenschappen, Russesch Akademie vun de Wëssenschaften, Preisesch Wëssenschaftsakademie, Accademia Nazionale delle Scienze, Académie nationale de médecine, National Academy of Sciences, Accademia delle Scienze di Torino

De Barong (Freiherr) Justus von Liebig, gebuer den 12. Mee 1803 als Justus Liebig zu Darmstadt a gestuerwen den 18. Abrëll 1873 zu München, war en däitsche Cheemiker. Hien huet grouss Entdeckungen an der organescher Chimie an an der Landwirtschaft gemaach.

De Justus Liebig huet zu Bonn, an duerno zu Erlangen, beim Karl Wilhelm Gottlob Kastner studéiert. 1822 krut e säin Doktorat, an eng Bourse, fir op Paräis weiderstudéieren ze goen. Do huet hie beim Louis Joseph Gay-Lussac geschafft. 1824 gouf hie Professer op der Universitéit vu Gießen. 1831 huet hie gläichzäiteg mat zwéin anere Fuerscher d'Narkosmëttel Chloroform entdeckt.1834 huet hien d'Melamin synthetiséiert. Hie war deen éischte Professer, deen e Laboratoire, sou wéi mer en haut kennen, ageriicht hat.

Vun 1852 bis 1873 war de Liebig Professer op der Universitéit vu München. 1845 gouf e geadelt.

Hien huet sech haaptsächlech fir d'organesch Chimie intresséiert, an huet erausfonnt, datt d'Planze sech virun allem vum Stéckstoff ernieren, an huet de Stéckstoff-Dünger entwéckelt.

1865 huet hien d'Mark Liebig deposéiere gelooss, fir Bouillon-Zoppecuben ze kommerzialiséieren, nodeem e mam Friedrich von Clossen e Procedé entwéckelt hat, fir Fleeschextrakt ze produzéieren.

1867 huet hien déi éischt Konschtmëllech fir Puppelcher entwéckelt.

De Liebig hat zwee lëtzebuergesche Schüler: de Joseph Namur an de Karl Stammer.

Um Spaweck[änneren | Quelltext änneren]

Commons: Justus von Liebig – Biller, Videoen oder Audiodateien