Kusttram
| Kusttram | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 De Kusttram
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Streckelängt: | 68 km | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Catenaire: | 600 V | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Aweiung: | 1885 (1. Deel) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Linnen: | Tram, Sneltram | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Halten: | 69 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Haaptstreck | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
De Kusttram (hollänesch: kust = Küst) ass eng Tramslinn, déi all d'Uertschafte laanscht déi flämesch Nordmierküst matenaner verbënnt.
Inhaltsverzeechnes |
D'Streck [änneren]
Mat enger Längt vun 68 Kilometer an 69 Halten ass et déi längsten Tramslinn weltwäit. D'Schinnen hunn eng Spurbreet vun 1000 mm an d'Catenaire gëtt mat 600 Volt Gläichstroum bedriwwen.
D'Streck verleeft vun Adinkerke no bei der franséischer Grenz, iwwert De Panne, Nieuwpoort, Oostende, Blankenberge a Zeebrugge bis op Knokke-Heist op der hollänescher Grenz.
Tëscht Oostende a Middelkerke leeft d'Streck laanscht d'Nordmierplage, anerwäerts leeft se duerch d'Dünen oder op bebautem Terrain.
Uertschafte mat den Tarifzonen [änneren]
|
Betrib a Geschicht [änneren]
De Kusttram ass dat lescht Stéck vun engem Iwwerlandreseau vun der SNCV, déi vum Enn vum 19. Joerhonnert un, parallel zum Eisebunnsnetz, en Tramsnetz opgebaut huet. Den 8. August 1886 gouf d'Streck Oostende-Nieuwpoort fäerdeggestallt, 1890 gouf se am Norden bis Knokke verlängert. 1912 gouf dermat ugefaang, d'Streck z'elektrifizéieren, an vun 1913 un konnt déi ganz Streck mat elektreschem Material befuer ginn.
1914 huet de Betrib missen ënnerbrach ginn, well d'Westfront vum 1. Weltkrich d'Streck bei Nieuwpoort gedeelt huet.
Nom Krich gouf d'Streck am Süde bis un de Bord vun De Panne gefouert, den Deel bis op d'Eisebunnsgare am Zentrum vun De Panne koum awer eréischt 1996 bäi. Am Zweete Weltkrich war déi ganz Côte als Deel vum Atlantikwall eng militäresch Spärzon, wat zivil Aktivitéiten op der Plage onméiglech gemaach huet.
An den 1970er Joren huet d'Demande dunn, net zulescht wéinst de wirtschaftleche Krisen an dem Sproochesträit, ofgeholl. Et ass am Duerchschnëtt 1 Tram d'Stonn an all Richtung gefuer.
An den 1980er Joren gouf eng nei Generatioun vu Material agefouert, déi sougenannten LRV (Light Rail Véhicule). Zesumme mat verbesserte Präisstrukturen hu si fir méi Clienten um Tram gesuergt.
An den 1990er Joren sinn d'Touristenzuelen während de Summerméint explodéiert, an et gouf ugefaang, méi Gefierer ze kafen. Déi, déi schonn am Asaz waren, kruten doniewent e Mëtteldeel bäi.
Well den Tram fir déi ganz Streck 2 Stonnen an 23 Minutte brauch, dovun 2 Minutten Openthalt zu Oostende, gouf 2007 en neie Service mat Trammen agefouert, déi nëmmen op de wichtegsten Halten halen. Déi sneltrams, hunn zu Oostende Verbindung mat dem InterCity A a Richtung Eupen. Während am Wanter d'Trammen am 20-Minuttentakt fueren, fiert am Summer deelweis all 10 Minutten en Tram fort.
D'Societéit De Lijn déi de Kusttram bedreift, bedreift och d'Tramme vun Antwerpen a Gent, dowéinst si schonn dacks am Summer Trammen aus deene Stied op der Kusttram gefuer, fir den akute Manktem u sou Material ze kompenséieren.
Zukunft [änneren]
Am Cader vum Neptunusplan ass eng Verlängerung vun der Linn op Breskens an Holland a vu La Panne op Dunkerque a Frankräich geplangt.
Doniewent sinn Tramslinnen an d'Hannerland geplangt, zum Beispill:
- Zeebrugge–Brugge;
- Oostende–Brugge;
- Nieuwpoort–Diksmuide;
- Koksijde–Veurne;
Um Spaweck [änneren]
| Commons: Biller vun der Kusttram – Biller, Videoen oder Audiodateien |
