Luc Holtz

Vu Wikipedia
Wiesselen op: Navigatioun, sichen

De Luc Holtz, gebuer de 14. Juni 1969 an der Stad Lëtzebuerg, ass e lëtzebuergesche Foussballtrainer a fréiere Foussballspiller.[1]

Tëscht dem 12. Oktober 1991 an dem 16. Oktober 2002 huet de Luc Holtz 55-mol fir déi lëtzebuergesch Foussballnationalequipe gespillt an dobäi 1 Gol geschoss.[2]

Hien huet vun 1990 bis 1992 bei de FA Red Boys Déifferdeng gespillt an ass du bei den Avenir Beggen gewiesselt wou hie bis 1999 bliwwen ass. Vun 1999 bis 2007 war hie beim FC Etzella Ettelbréck.[3]

Vun 2003 bis 2008 war de Luc Holtz Trainer vum FC Etzella Ettelbréck (bis hien als aktive Foussballspiller opgehale huet war hie Spillertrainer do). Vun 2008 bis den August 2010 war de Luc Holtz Trainer vun der lëtzebuergescher U21-Foussballnationalequipe. Vum 3. bis den 18. August war hien, nom Récktrëtt vum Guy Hellers, Interimstrainer vun der lëtzebuergescher Foussballnationalequipe. Den 18. August 2010 gouf hien dunn Trainer vun der lëtzebuergescher Nationalequipe an ass bis haut op dem Posten.[4]

Referenzen[änneren | Quelltext änneren]