National Radio Astronomy Observatory
Vu Wikipedia, der fräier Enzyklopedie.
Den National Radio Astronomy Observatory (NRAO) ass eng staatlech amerikanesch Fuerschungsorganisatioun fir Radioastronomie. NRAO entwërft, baut a bedreift Radioteleskopen op verschiddene Plazen, haaptsächlech an den USA:
- D'Haaptquartéier ass zu Charlottesville am US-Bundesstaat Virginia op dem Gelänn vun der University of Virginia. Do ass och dat vum NRAO bedriwwent nordamerikanescht Zentrum fir d'wëssenschaftlech Notzen vum Atacama Large Millimeter Array (ALMA) an en Technologiezentrum.
- Green-Bank-Observatoire. D'Ëmgéigend vun dësem Observatoire a West Virginia ass zur „nationaler radioroueger Zon“ vun den USA erkläert ginn, an där versicht gëtt, stéierend kënschtlech Radioemissioune kleng ze halen. D'Green-Bank-Observatoire besëtzt etlech grouss eenzel Radioteleskopen.
- Socorro (New Mexico). Vum Array Operations Center AOC zu Soccoro aus ginn d'Very Large Array an d'Very Long Baseline Array bedriwwen.
- Tucson (Arizona) op dem Gelänn vun der University of Arizona. Den NRAO huet vun do aus e Millimeterwelle-Radioteleskop mat 12 m Antennenduerchmiesser um Kitt-Peak-Observatoire bedriwwen. Fir Mëttel fir d'ALMA fräizesetzen gouf dëst Teleskop an der Tëschenzäit un d'University of Arizona verginn.
- Santiago de Chile. Den NRAO ass mat der Europäische Südsternwarte an dem kanadeschen National Research Council um Atacama Large Millimeter Array bedeelegt, dat am Norden Chiles opgebaut gëtt.
[änneren] Um Spaweck
- (en) NRAO Homepage
