Teleskop

Celestron 8 Spigelteleskop

Observatoire zu Merato an Italien

Polnescht 1,3-m-Teleskop, Las-Campanas-Observatoire, Chile

D'Wuert Teleskop entstaamt dem algriicheschen τηλε (téle) „wäit“ an σκοπεῖν (skopéin) „observéieren“.

Fréier war d'Wuert Teleskop gläichbedeitend mat Fernrouer. Haut bezeechent een – allgemeng –Instrumenter, déi Elektromagnetesch Welle sammelen a bëndelen, fir och Objeten, déi wäit ewech leien, z'observéieren oder vergréissert ofbilden ze kënnen. De Begrëff "Teleskop" geet also iwwer déi optesch Astronomie (siichtbart Liicht, UV an Infrarout) eraus bis zum Beräich vu Röntgen- a. Radiostralung.

D'Teleskop soll 1608 vum Hans Lipperhey entwéckelt gi sinn, nach ir de Galileo Galilei et e Joer méi spéit fir Stärenobservatioun gebraucht huet.

Nom Peter Borell sollen awer de Zacharias Janssen a säi Papp déi richteg Erfinder vum Teleskop sinn (1610) an den Hans Lipperhey eréischt duerno en Teleskop gebaut hunn, nodeems hie Kenntnës vun der Janssen-Erfindung kritt hat.^[1]

Zum Begrëff "Teleskop" [änneren]

De Begrëff "Teleskop" gëtt dacks weider verallgemengert op net-ofbildend Systemer wéi

Teleskope fir d'Observatioun vu kosmescher Stralung,
Neutrinoteleskopen, oder esouguer
Gravitatiounswellenteleskopen.

Weider gëtt den Teleskop-Begrëff och fir optesch Baugruppe gebraucht, déi net dozou déngen, Géigestänn, déi wäit ewech sinn, z'observéieren. En Teleskop kann z. B. fir Stralopwäitung (Vergréisseren vum Stralduerchmiesser) vu Laser gebraucht ginn, fir de Stral iwwer gréisser Distanzen iwwerdroen ze kënnen oder deem seng Leeschtungsflossdicht ze verklengeren.

Teleskop - Arten [änneren]

Jee no dem Frequenzspektrum oder Wellelängeberäich vun der elektromagnéitescher Stralung ënnerscheet een tëscht:

Vun den Weltraumteleskopen ofgesinn sinn si op de Wellelängten vum Astronomesche Fënster ugewisen, an deenen d'Stralung vun der Atmosphär vun der Äerd net oder wéineg absorbéiert gëtt. Eng méiglechst héichgeleeën, klimatesch dréche Plaz ass dobäi vu Virdeel.