Parc naturel de la vallée de l'Attert
Vu Wikipedia, der fräier Enzyklopedie.
(Virugeleet vu(n) Parc Naturel de la Vallée de l'Attert)
De Parc naturel de la vallée de l'Attert ass en Naturpark an der Belsch am Atert-Baseng an et gëtt en zënter 1994. Et ass den drëtten Naturpark deen an der Regioun Wallounien an d'Welt gesat gouf, an den éischten an der Provënz Lëtzebuerg. En huet eng Fläch vu 7.195 ha an erstréckt sech iwwer d'ganzt Gebitt vun der Gemeng Atert.
E läit op halwem Wee tëscht Arel a Maartel mat am Norden als Grenz den Haabicher Wald, op Schiiferbiedem vun den Ardennen, an am Süden déi loutrengesch Cuestaen.
Um Terrain konkretiséiert de Park sech duerch folgend Natur- a Bëschreserven:
- Réserve forestière du bois de Faascht
- Réserve naturelle de la vallée du Nothomberbach
- Réserve naturelle du marais de Grendel
- Réserve naturelle de Thiaumont
- Réserve naturelle de la marnière d’Attert
- Réserve naturelle de Metzert
Den Naturpark ass duerch d'Memberschaft vun der Gemeng Atert am Attert-Kontrakt och een Deel vun dësem groussen Naturschutzprojet.
