Place de la Constitution

Place de la Constitution

Numm	lb: (Bei der) Gëlle Fra fr: Place de la Constitution
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Uewerstad
Koordinaten	49° 36’ 33.4’’ N       06° 07’ 45.6’’ O
Genannt no	Lëtzebuerger Constitutioun

D'Place de la Constitution, am Volleksmond „(Bei der) Gëlle Fra“ genannt, ass eng Plaz an der Uewerstad vun der Stad Lëtzebuerg. Se läit um Bord vum Boulevard Roosevelt (N50), op der fréierer Bastioun Beck.

An der Mëtt vun der Plaz steet de Monument du souvenir, déi sougenannt Gëlle Fra, déi der Plaz hire Lëtzebuerger Gebrauchsnumm ginn huet. Ronderëm d'Monument si Parkplazen. D'Plaz gëtt awer och fir Volleksfester, den Oktav-Mäertchen oder de Chrëschtmaart benotzt.

Am Abrëll an am August 2019 gouf bekannt gemaach, datt d'Plaz vum Staat ëmgebaut soll ginn, fir se méi attraktiv fir d'Foussgänger ze maachen. D'Parkplazen, inklusiv déi vun den Touristebussen, solle verschwannen. D'Stad Lëtzebuerg hirersäits plangt fir e Lift z'installéieren, deen d'Plaz mam Péitrussdall verbënnt. E Concours fir d'Neigestaltung gëtt am Hierscht 2019 ausgeschriwwen.^,

Biller

• 
  Vue op d'Gëlle Fra, riets d'Kathedral
• 
  Vue op d'Plaz a Richtung Weste gekuckt
• 
  D'Gëlle Fra an der Chrëschtzäit
• 
  Den Oktav-Mäertche bei der Gëlle Fra.

Kuckt och

• Bastioun Beck

Um Spaweck

Commons: Place de la Constitution – Biller, Videoen oder Audiodateien