Portrait
E Portrait ass eng Molerei, eng Fotografie, eng Plastik oder soss eng kënschtlerech Representatioun vun enger oder méi Persounen. E Portrait soll net nëmmen e Glach mam Ausgesinn vun enger Persoun hunn, mee och hir Perséinlechkeet oder hire Status, resp. hir Fonctioun erëmspijelen.
Och bei literaresche Beschreiwungen oder filmesche Presentatiounen vu Persoune schwätzt ee vun engem Portrait.
Bei Portraiten ënnerscheet een tëschent der Zuel vun de Persounen, déi duergestallt ginn (Eeenzel-, Duebel-, Dräifach- oder Gruppeportrait), dem Ausschnëtt, dee gewise gëtt oder der Haltung vun de portraitéierte Persounen (kuckt ënnendrënner); oder awer der Fonctioun, déi duergestallt gëtt (z.B. en Herrscherportrait mat sengen Herrschafts-Attributen).
[änneren] Nom Ausschnëtt
Nom Ausschnëtt ënnerscheet een, je nodeem, tëscht engem Portrait vun enger ganzer Persoun (am Stoen oder am Sëtzen, an der Skulptur sinn dat Statuen oder Statuetten); engem bis un de Knéi, bis un d'Hëft, bis un d'Taille, bis un d'Broscht, un d'Schëller oder bis un den Hals:
-
Ganzfigur, am Stoen: Francisco de Goya, Portrait vun der Kinnigin Maria Luisa, ëm 1800
-
Knéi, am Sëtzen: Auguste Renoir, Portrait vun der Tilla Durieux, 1918
-
Hëft: Anton Graff, Bildnis Elisa von der Recke, 1794
-
Taille: Heinrich Christoph Kolbe, Portrait einer Dame
-
Broscht: Giorgione, Laura, 1506
-
Schëller, Albrecht Dürer: Portrait vun enger jonker Fra, ëm 1506
-
Kapp: Leonardo da Vinci, Dem Leda säi Kapp, Etude, ëm 1507/1509
[änneren] No der Haltung vum Kapp
-
Frontal Vue:
James Carroll Beckwith: Portrait vum Mark Twain, 1890 -
Dräivéierelsprofil:
Fjodor Rokotow: Portrait vum Grof I.G. Orlow, 1762/65 -
Hallefprofil:
Petrus Christus: Portrait vun engem Kartäuser, 1446 -
Véirelsprofil:
Botticelli: Portrait vum Giuliano de Medici, um 1478 -
Profil:
Pisanello: Portrait vum Lionello d’Este, 1441 -
"Verluerent Profil":
Pawel Filonow: Selbstportrait
[änneren] Selbstportrait
E Portrait, dat e Kënschtler vu sech selwer mécht, ass e Selbstportrait.
[änneren] Idealportrait
En Idealportrait representéiert eng Persoun, déi de Kënschtler net perséinlech kannt huet. Et soll där Persoun hir (attribuéiert) Qualitéiten erëmginn, ass awer keng realistesch Representatioun dovunner, wéi se ausgesinn huet (Beispill: Büsten oder Biller vum Homer).
[änneren] Kuckt och
- Portraits d'artistes, eng Serie vu filmesche Portraite vu lëtzebuergeschen Artisten.
| Commons: Portraiten – Biller, Videoen oder Audiodateien |
