Tapis Hertz

Tapis Hertz
Tapis Hertz
Typ	Sàrl
Grënnungsdatum	1946; als Gesellschaft den; 21. Februar 1984
Sëtz	44, Groussgaass; L-1660 Lëtzebuerg; Lëtzebuerg
Leedung	Nathalie Aach
Mataarbechter	30
Branche	Eenzelhandel
Produit	Teppecher, Textilien
Homepage	tapishertz.lu

Tapis Hertz, gegrënnt ënnert dem Numm Rodolphe Hertz, war e bekannten Teppech- a Textilbuttek an der Groussgaass an der Stad Lëtzebuerg. Butteker vun Tapis Hertz bestinn nach op der Helfenter Bréck an an der Belle Étoile.

Geschicht[änneren | Quelltext änneren]

Den éischte Buttek vum Rodolphe Hertz a senger Fra goung 1946 um 1. Stack vum Gebai À la Bourse, um Eck Groussgaass / Gruef vis-à-vis vun der Maison Moderne op. Am Mee 1949 ass de Buttek op Nummer 34 vun der Groussgaass geplënnert, wou en dunn och schonn op zwéi Stäck etabléiert war. 1963 ass e vum Guy Aach a senger Fra Danielle Hertz, enger Niess vum Firmegrënner, iwwerholl ginn.

Nodeems de Buttek Vogue op 44 an der Groussgaass opgehalen hat, huet Tapis Hertz sech do, um Eck mat der Kapuzinergaass, néiergelooss. D'Geschäft konnt op véier Stäck vergréissert ginn a huet seng Gamme vergréissert; et goufe vun do un och Dicher, Riddoen, Bettgezei asw. ugebueden.

2003 huet d'Nathalie Aach d'Gerance vum Buttek vun hiren Elteren iwwerholl, déi dunn 2013 an d'Pensioun goungen. 2013 huet Tapis Hertz en zousätzleche Buttek an der Belle Étoile opgemaacht.

2019 huet Tapis Hertz de Buttek an der Groussgaass zougemaach.