Éilerenger Wäschbuer
Den Éilerenger Wäschbuer ass eng Wäscherei zu Éilereng a gläichzäiteg en therapeuteschen Atelier, dee Leit mat medezinesch-psychologesch-soziale Problemer eng Aarbecht bitt.
Struktur
[änneren | Quelltext änneren]Den Atelier gouf 1993 vun der ASBL "Caritas Accueil et Solidarité" zu Hollerech opgemaach an ass zanter 2002 zu Éilereng an der Industriezon ZARE ze fannen.[1] Dës Initiativ gëtt vum Gesondheetsministère ënnerstëtzt. Bis 35 Persoune kënnen an dëser Struktur beschäftegt ginn. D'Aarbecht erfaasst haaptsächlech Wäschen a Strecke vun de Kleeder vu Leit aus Fleegeheemer; all Joer ginn ongeféier 130.000 Kilo Wäsch gebotzt. D'Personal vum Atelier bitt ausserdeem eng psyscho-sozial Betreiung fir déi eenzel Schaffent. Ausserdeem ginn nach sozial-therapeutesch Aktivitéiten ugebueden.[2]
Referenzen
[Quelltext änneren]- ↑ caritas.lu: Structures de travail - Atelier-Buanderie « Éilerenger Wäschbur » (gekuckt den 18. Juli 2012)
- ↑ mywort.lu: Caritas-Kollekte 2011 zugunsten des „Éilerenger Wäschbuer“ (19. Mäerz 2011, gekuckt den 18. Juli 2012)