ARC Kënschtlerkrees

Vu Wikipedia
Op d'Navigatioun wiesselen Op d'Siche wiesselen
ARC Kënschtlerkrees
(ARC)
150px
Zweck: Artiste vun der plastëscher Konscht Ausstellungsméiglechkeete bidden
President: Serge Koch
Grënnungsdatum: 1959, als A.s.b.l. 1993
Sëtz: Biergem


Den ARC Kënschtlerkrees ass eng lëtzebuergesch Kënschtlervereenegung, déi hir Originnen am Joer 1959 huet a sech dunn 1993 als A.s.b.l. konstituéiert huet.

An den éischte Joren hu Leit wéi de Jacques Zenner an de Lé Tanson reegelméisseg Ausstellungen zu Munneref organiséiert.

De Veräin, dee fréier "Art Contemporain" oder "Art Contemporain du Grand-Duché de Luxembourg" geheescht huet, gouf am Joer 2000 op "ARC" ëmgedeeft. Ufanks 2017 krut dee Kierzel dunn nach d'Zousazbezeechnung Kënschtlerkrees, déi dunn och um neie Logo zréckbehale gouf.

Den ARC ass eng vun den eelsten a bedeitendste Kënschtlerassociatiounen vu Lëtzebuerg an huet 2020, eng 45 Artisten an hire Reien.

Praktesch all Technike vun der plastescher Konscht ginn hei ofgedeckt. De President vum ARC ass zanter Januar 2017 de Serge Koch.

Bibliographie[änneren | Quelltext änneren]

Buch "60 Joer ARC", 2019 (ISBN 978-99959-0-506-4)

Um Spaweck[änneren | Quelltext änneren]