Almaz (Satellit)

Almaz oder Almas (Russesch fir "Diamant") – oder OPS (Orbitalnaja Pilotiruemaja stanzija fir "Bemannte Orbital-Statioun") – war eng Rei vun deelweis bemannte kënschtleche Satellitte vun der Sowjetunioun am äerdnoen Orbit. Zesumme mat der DOS-Rei (russesch: Dolgovremennaja orbitalnaja stancija fir „Laangzäit-Orbital-Statioun“) huet si en Deel vun de Saljut-Raumstatiounen duergestallt.

Si huet besonnesch fir Opklärung gedéngt. Den Ënnerscheed zu den DOS-Statiounen huet fir déi deemoleg Verhältnesser héichopléisend Fototechnik gestallt, déi fir Opklärungszwecker benotzt goufen. Fotoe konnten op der Plaz entwéckelt ginn.

Den Almas-Programm hat 1973 ugefaangen. Am Joer 1978 gouf hien ënnerbrach an ouni ouni e weidere Start am Joer 1980 komplett agestallt.

Almaz 1

Almaz 1 gouf aus militäresche Geheimgrënn ënner dem Decknumm Saljut 2 den 3. Abrëll 1973 gestart. Knapps e Mount méi spéit, den 29. Abrëll 1973 waren no engem Drockverloscht all Instrumenter ausgefall, wourophin si den 28. Mee 1973 ofgestierzt ass.

Almaz 2

Almaz 2 oder Saljut 3 war déi drëtt Saljut-Statioun, déi hiren Orbit erreeche konnt. Si gouf de 25. Juni 1974 gestart a sollt vun zwou Sojus-Besatzunge besicht ginn. Si gouf awer nëmme vun der Sojus-14-Crew benotzt, well d'Sojus-15-Missioun ofgebrach hat misse ginn. De 24. Januar 1975 gouf Statioun kontrolléiert zum Ofstuerz bruecht an ass an der Äerdatmosphär vergloust.

Almaz 3

Almaz 3 oder Saljut 5 gouf den 22. Juni 1976 gestart an hat zwou Sojus-Crews (Sojus 21 a Sojus 24) fir 67 Deeg als Domizil gedéngt. D'Sojus-23-Missioun hat Almas 3 net erreecht. Den 8. August 1977 gouf d'Statioun kontrolléiert zum Ofstuerz bruecht.

Kuckt och

Portal Astronomie

Um Spaweck

The Almaz Program, RussianSpaceWeb.com
The Almaz Space Station Program, Sven Grahn
Astrospies, an episode of Nova covering the MOL and Almaz (full video available on PBS.com
Inside a Soviet Spy Station, NOVA Short