Amel Bent

Vu Wikipedia
Op d'Navigatioun wiesselen Op d'Siche wiesselen
Amel Bent
Amel Bent, 2014 (cropped).jpg
Gebuer 21. Juni 1985
Paräis
Nationalitéit Frankräich
Aktivitéit Schauspiller, Sänger
Wikidata-logo-without-paddings.svg
D'Amel Bent am Joer 2008

D'Amel Bent, gebuer den 21. Juni 1985 zu Joué-lès-Tours an der Regioun Centre als Amel Bentbachir, ass eng franséisch Sängerin. Hire Papp kënnt aus Algerien an hir Mamm aus Marokko.

Biographie[änneren | Quelltext änneren]

D'Amel Bent, déi schonn ëmmer gär gesongen huet, wollt als Jugendlech awer Psychologie studéieren. 2004 wollt si sech dofir op enger Universitéit aschreiwen, huet dunn awer um Casting vun der Televisiounsshow Nouvelle Star deelgeholl. Si huet zwar net gewonnen, ass awer op déi drëtt Plaz komm.

Am November vum selwechte Joer huet si dunn hiren éischten Album Un jour d'été erausbruecht, dee si zesumme mat der franséischer Rapperin Diam's geschriwwen huet. Déi éischt Single Ma Philosophie war e grousse Succès; si gouf 500.000 Mol verkaaft an huet sech méi wéi sechs Wochen op der Nummer 1 vun den offizielle Single-Charts gehalen. Och déi zweet Single Le Droit à l'erreur war erfollegräich an den Album huet schlussendlech Platin-Status erreecht.

2006 huet d'Amel Bent dat engleschsproochegt Lidd Eye of the Tiger erausbruecht, eng Cover-Versioun vun 1982 vun der Band Survivor.

Ee Joer méi spéit gouf den neien Album A 20 ans presentéiert, bei deem de Pascal Obispo an de Lionel Florence bei der éischter Single Nouveau français collaboréiert hunn. Aner Lidder stame vum Diam's an souguer de Charles Aznavour huet extra ee Lidd fir si geschriwwen.

Am Dezember 2009 koum hiren drëtte Studio-Album Où je vais eraus. Den éischten Extrait mam selwechten Numm huet d'Nummer 4 op den franséischen Downloadcharts erreecht.[1] Am Mee huet si e Concert am renomméierten Olympia ginn an hir national Tournée am ausverkaaften Zénith de Paris ofgeschloss.

No der Verëffentlechung vun hirem véierten Album Délit mineur ass d'Amel Bent 2012 dat neit Gesiicht vu Weight Watchers a Frankräich ginn. Well Délit mineur kee grousse kommerziellen Erfolleg hat, ass d'Sängerin net mat em op Tournée gaangen. 2012 huet si un der drëtter Staffel vun der Emissioun Danse avec les stars deelgeholl.

Ufank 2014 huet si de Studioalbum Instinct verëffentlecht, bei deem si u bal all de Lidder matgeschriwwen huet an dee vum bekannte franséischen Hip-Hop an R&B-Produzent Kore produzéiert gouf. Déi éischt Singleauskopplung war Ma Chance, fir déi si bei den NRJ Music Awards 2013 an der Kategorie Artiste féminine francophone nominéiert gouf. Donieft huet si fir en Album mat Reprisë vum Jean-Jacques Goldman d'Lidd Quand la musique est bonne mam Rapper Soprano nei opgeholl. Déi Versioun huet et op Plaz 40 vun de franséischen Charts gepackt. An de Joren duerno huet si och Coverlidder opgeholl fir Albume mat Reprise vum Charles Aznavour a vum Johnny Hallyday.

Enn 2018 an Ufank 2019 huet d'Amel Bent eng Rei nei Single verëffentlecht, ugefaange mat Si on the demande, vun deenen awer keng et an d'Charts gepackt hunn. Si sëtzt 2018 an 2019 och an der Jury vun der Castingshow The Voice Kids.

D'Amel Bent ass reegelméisseg bei de Concerte vu Les Enfoirés derbäi.

Diskographie[änneren | Quelltext änneren]

D'Amel Bent bei engem Concert zu Yasmine Hammamet an Tunesien.

Albumen[änneren | Quelltext änneren]

Joer Albumtitel Classement
FR[2] BE[3] CH[4]
2004 Un jour d'été 3 12 39
2007 À 20 ans 4 15 24
2009 Où je vais 9 25 65
2011 Délit mineur 24 61
2014 Instinct 11 14 28

Singlen[änneren | Quelltext änneren]

D'Amel Bent bei den NRJ Music Awards 2014
Joer Singletitel Classement Album
FR[5] BE[6] CH[7]
2004 Ma philosophie 1 1 16 Un jour d'été
2005 Le droit à l'erreur 7 16 36
Ne retiens pas tes larmes 5 5 50
2006 Eye of the Tiger Un jour d'été (Re-Editioun)
2007 Nouveau Français 3 7 75 À 20 ans
À 20 ans (mam Diam's)
2008 Tu n'es plus là 40
Désolée
2009 Où je vais 23 Où je vais
2010 Le mal de toi
Je me sens bien
Cette idée-là 92
2011 Je reste 29 Delit Mineur
2011 Tu veux ou tu veux pas
2012 Délit 38 27 Delit Mineur
Ma chance 106 Instinct
2013 Quand la musique est bonne 40
Sans toi 144
2014 Regarde-nous 118
2018 Si on te demande
Rien
Dis-moi qui tu es
2019 Demain

Aner Lidder an den Charts[änneren | Quelltext änneren]

Joer Kënschtler Singletitel Classement
FR[5] BE[6] CH[7]
2007 La Fouine feat. Amel Bent Tombé pour elle 15
2013 Karl 158
2013 Amel Bent + Soprano Quand la musique est bonne 40
2013 Rohff avec Amel Bent Ti amo t'es à moi 94
2017 Alonzo feat. Amel Bent 100% 102

Um Spaweck[änneren | Quelltext änneren]

Commons: Amel Bent – Biller, Videoen oder Audiodateien

Referenzen[Quelltext änneren]

  1. Franséisch Downloadcharts vum 19/12/2009 op lescharts
  2. Albumen op lescharts.com
  3. Albumen op ultratop.be
  4. Albumen op hitpararde.ch
  5. 5,0 5,1 Singlen op lescharts.com
  6. 6,0 6,1 Singlen op ultratop.be
  7. 7,0 7,1 Singlen op hitparade.ch