Den Avocado (Persea americana) ass eng Bamaart aus der Famill vun de Lauraceae. Si kënnt ursprénglech aus Mexiko a Mëttelamerika.
D'Fruucht dovun, och Avocado genannt, huet, jee no Ënneraart, d'Form vun enger Bier, oder ka ronn oder eeërfërmeg sinn. Wann d'Fruucht zeideg gëtt, gëtt d'Schuel donkelbrong an d'Fruuchtfleesch crèmeg-mëll. An der Mëtt ass e Kär vun der Gréisst vun engem Golfball.