Bamkabes

Vu Wikipedia
Op d'Navigatioun wiesselen Op d'Siche wiesselen
Bamkabes an engem Geméisgaart.

De Bamkabes[1], Brassica oleracea var. viridis L.[2], ass eng Zuuchtvarietéit vum Geméiskabes (Brassica oleracea), déi als Geméis an als Fudderplanz virun Allem op der atlantescher Westküst vun Europa ugebaut gëtt.[3]

Mat de Blieder vum Bamkabes a mat Grompere gëtt dat portugisescht Nationalrezept Caldo verde gekacht, eng einfach Zopp, déi e bësse batter schmaacht. Dat erkläert, firwat een de Bamkabes a ville Geméisgäert uechter Lëtzebuerg erbléckst.

De Bamkabes ass méijäreg, all Joer wuessen nei Blieder am ieweschte Beräich vum Stronk, dee mat de Joren ëmmer méi haart gëtt. Déi ënnescht Blieder ginn no an no als Geméis benotzt, sou datt d'Planz mat de Joren aus engem plakege Stronk mat engem "Kabesbliederpinsel" um Enn besteet.

Eng nach méi grouss Variant vum Bamkabes gëtt als Jersey-Kabes (EN: Jersey cabbage) op de Kanalinsele gezillt. Aus den 1,8 bis 3m héije Kabesstämm goufen uganks des 20. Joerhonnert am grousse Stil Wanderbengele produzéiert, bis zu 30.000 Stéck am Joer. D'Strénk sinn och nach als Gespär oder als Zonkmaterial benotzt ginn.

Literatur[änneren | Quelltext änneren]

  • Mansfeld, R., 1986. Verzeichnis landwirtschaftlicher und gärtnerischer Kulturpflanzen (ohne Zierpflanzen). Berlin : Akademie-Verlag, 1986. 2., neubearb. u. wesentl. erw. Aufl. 4 Bände.

Um Spaweck[änneren | Quelltext änneren]

Referenzen[Quelltext änneren]

  1. DE: Kuhkohl, Blattkohl, Staudenkohl. FR: chou cavalier, caulet, chou en arbre, chou fourrager, ou chou vert. PT: Couve-galega = Kabes aus Galizien.
  2. Synonym: Brassica oleracea L. var. acephala DC.
  3. Cf. Mansfeld 1986: 1/295 an der Literatur.