Baruch Samuel Blumberg

Baruch Samuel Blumberg
Gebuer	28. Juli 1925 Brooklyn
Gestuerwen	5. Abrëll 2011 Mountain View
Doudesursaach	Häerzschlag
Nationalitéit	USA
Educatioun	Balliol College, Columbia University, Columbia University College of Physicians and Surgeons, Union College, Far Rockaway High School
Aktivitéit	Dokter, Anthropolog, Virolog, Universitéitsprofesser, Erfinder, Biochimist, Geneetiker
Member vun	National Academy of Sciences, American Academy of Arts and Sciences

De Baruch Samuel Blumberg, gebuer den 28. Juli 1925 zu Brooklyn (New York), a gestuerwen de 5. Abrëll 2011, war en US-amerikanesche Wëssenschaftler. Zesumme mam Daniel Gajdusek huet hien 1976 de Medezin-Nobelpräis kritt fir seng Entdeckung, wéi ee mat neie Methoden den Ursprong an d'Verspreede vun ustiechende Krankheeten erkläre kann. De Blumberg hat de Virus vun der Hepatite B identifizéiert, a méi spéit en Test entwéckelt, fir d'Krankheet ze diagnostizéieren, an och en Impfstoff dergéint.

Hien hat Mathematik, duerno Medezin studéiert, 1951 en Doktorat an der Medezin gemaach, an 1957 zousätzlech e Ph.D. an der Biochimie.

Hien huet op verschiddenen amerikaneschen Universitéiten, an och zu Oxford enseignéiert, a gouf 1999 fir 3 Joer Direkter vum NASA Astrobiology Institute vum Ames Research Center zu Moffett Field a Kalifornien.

Literatur

• Baruch S. Blumberg: Hepatitis B. The hunt for a killer virus. Princeton University Press, Princeton NJ 2002, ISBN 0-691-00692-X.
• Harvey Alter: Baruch Blumberg (1925–2011). In: Nature, Band 473, 2011, S. 155,

Kuckt och

Portal Astronomie

Um Spaweck

Commons: Baruch Samuel Blumberg – Biller, Videoen oder Audiodateien

• Baruch Blumberg, Who Discovered and Tackled Hepatitis B, Dies at 85 nytimes.com, ofgeruff den 22. Dezember 2011