Biosphärereservat Karpaten

D'Biosphärereservat Karpaten (op Ukrainesch: Карпатський біосферний заповідник) ass en Naturschutzgebitt dat 1968 geschafe gouf an dat, wéinst senger héijer Biodiversitéit, zanter 1992 zum Weltwäite Reseau vun de Biosphärereservater vun der UNESCO gehéiert.

Et läit am Oblast Transkarpatien an der Ukrain, an huet eng Fläch vu 57.880 Hektar.

1998 gouf et an d'Biosphärereservat Ostkarpaten integréiert, vun deem Deeler an der Slowakei an a Polen leien..

Ronn 82 % vum Reservat sinn Urwald.

Et besteet aus sechs Biergmassiver, zwou botanesche Reserven an engem regionalen Naturpark.

Biller

• 
  Landschaft.
• 
  No engem Donnerwieder.
• 
  Landschaft am Norden, bei Rakhiv.
• 
  Bierger an de Wolleken.
• 
• 

Fauna a Flora

D'Flora setzt sech zesummen aus 262 Aarte vu Champignonen, 392 Aarte Flechten, 440 Aarte Mooser 465 Algen an 1.062 Vaskulärplanzen. 64 Planzenaarte stinn op der Rouder Lëscht vun der Ukrain a vun der UICN.

D'Fauna besteet aus 64 Mamendéieraarten, 173 Vullenaarten, 9 Aarte vu Reptiller, 13 Amphibien, 23 Fësch an iwwer 10.000 Wierbellosen. 72 dovu stinn op der ukrainescher Rouder Lëscht an op där vun der UICN.

Um Spaweck

• (en) (uk) Offiziell Websäit

Commons: Biosphärereservat Karpaten – Biller, Videoen oder Audiodateien