Ukrainesch

Ukrainesch
Gëtt geschwat an:	Ukrain, Wäissrussland, Russland, Moldawien, Polen, Slowakei, Rumänien, Kasachstan, a vun Emigranten an den USA, Kanada, Brasilien an anere westeuropäesche Länner
Regioun	Osteuropa
Gëtt geschwat vun:	37 Millioune Mammesproochler, a 15 Milliounen Zweetsproochler
Klassement	26
Klassifikatioun no Sproochfamill:	Indoeuropäesch Slawesch Ost-Slawesch Ukrainesch
Offizielle Status
Reglementéiert vun:	Ukrainesch Akademie vun de Wëssenschaften (Академія наук України)
Sproochcoden
ISO 639-2	ukr
ISO 639-3	ukr

Ukrainesch (uk: українська мова) ass eng vun de meeschtgeschwate slawesche Sproochen. Schrëftlech Beispiller vum Ukrainesch sinn zanter dem 10. Joerhonnert beluecht.

Ukrainesch ass offiziell Landessprooch an der Ukrain an am net-unerkannten, mä de facto onofhängege Staat vun Transnistrien, souwéi eng regional unerkannt Sprooch a Rumänien, Serbien, der Slowakei, Polen, Kroatien a Bosnien an Herzegowina.

D'Schrëft baséiert sech op dat kyrillescht Alphabet. D'Transkriptioun an dat laténgescht Alphabet kann op sëllegen Aart a Weise geschéien - zu Lëtzebuerg gëtt sech meeschtens un d'Transkriptiounsreegele vum Duden gehalen.

Ukrainesch

Ukrainescht Alphabet

Ukrainesch Alphabet Аа Бб Вв Гг Ґґ Дд Ее Єє Жж Зз Ии Іі Її Йй Кк Лл Мм Нн Оо Пп Рр Сс Тт Уу Фф Хх Цц Чч Шш Щщ Ьь Юю Яя

Ukrainesch gëtt mam ukraineschen Alphabet geschriwwen (ukr.: українська абетка oder український алфавіт), wat dem kyrilleschen Alphabet (ukr.: кирилична абетка oder кирилиця) entstaamt.

Um Spaweck

Wikipedia op Ukrainesch

Commons: Ukrainesch – Biller, Videoen oder Audiodateien