Blues

Vu Wikipedia
Wiesselen op: Navigatioun, sichen

Blues ass eng vokal an instrumental Museksform, déi sech an der afroamerikanescher Gesellschaft an den USA um Enn vum 19. bis um Ufank vum 20. Joerhonnert entwéckelt huet. D'Wuert Blues staamt vun den englesche Spréch I’ve got the blues bzw. I feel blue[1].

De Blues bilt d'Wuerzel vum gréissten Deel vun der populärer nordamerikanescher Musek. Jazz, Rock, Rock 'n' Roll a Soul sinn no mam Blues Famill. Souguer an aktuelle Stilrichtunge wéi den Hip-Hop huet de Blues seng Spuren hannerlooss.

Blues-Schema[änneren | Quelltext änneren]

Déi heefegst Grondform vum Blues huet zwielef Takter, d'Melodie gëtt vun den dräi Grondakkorden an der 1., 4. a 5. Stuf (Tonika, Subdominant an Dominant) begleet. Heefeg Schemae sinn den 8-Takt-Blues an de 16-Takt-Blues. Doriwwer eraus ginn et vill Varianten, wéi z. B. den 18-Takt-Blues.

Akkorde fir en 12-Takt-Blues[2] Akkorde fir e Blues am Do (C)
I I (IV) I I7
IV IV I I7
V V (IV) I I (V)
C C (F) C C7
F F C C7
G G (F) C C (G)

Blues-Tounleeder[änneren | Quelltext änneren]

Fir d'Melodie gëtt eng speziell Tounleeder benotzt, bei där eng Rei Alteratiounen (Hallefnouten), déi sougenannt blue notes, dobäi kommen, an aner Nouten ewech gelooss ginn. Si entsprécht enger pentatonescher Touleeder am Mineur. D'Blues-Tounleeder kënnt a bal all Formen vu moderner Rock-, Pop- an Jazzmusek vir.

\relative c' { \clef "treble" \time 4/4 \override Staff.TimeSignature #'style = #'() \key c \major   \tempo  "Andante" 4 = 120 
c4[_\markup { Beispill vun enger Blues-Tounleeder am Do (C). } es f ges g bes c2 }

(Dës Tounleeder funktionéiert net am Internetexplorer)

Bluestexter[änneren | Quelltext änneren]

D'Texter vum Blues besti meeschtens aus dräi Sätz, woubäi deen éischten eng Feststellung duerstellt, déi am zweete Saz widderholl gëtt, fir am leschten duerch eng Erklärung opgeléist ze ginn.

Hei als Beispill en Extrait aus dem "Rising High Water Blues" aus dem Joer 1927 vum "Blind Lemon" Jefferson, dee sech op déi grouss Iwwerschwemmung vum Mississippi bezitt:

„Backwater rising, Southern peoples can't make no time.

I said, backwater rising, Southern peoples can't make no time.

And I can't get no hearing from that Memphis girl of mine.“

Audiobeispiller[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Wiktionnaire: Blues Definitioun, Synonymer an Iwwersetzungen
Commons: Blues – Biller, Videoen oder Audiodateien

Notten[Quelltext änneren]

  1. Lb: ech sinn traureg.
  2. Englesch: 12-bar blues.