Bluesmusek zu Lëtzebuerg
Dësen Artikel behandelt zanter wéini, a vu weem zu Lëtzebuerg Blues gespillt gouf a gëtt.
Geschicht vum Blues zu Lëtzebuerg
[änneren | Quelltext änneren]Ufank
[änneren | Quelltext änneren]Et ass schwiereg, fir den Ufank vum Blues zu Lëtzebuerg genee ze datéieren. Obwuel eng Partie fréier Jazz- a Rockgruppen an hirem Repertoire sécherlech och Bluesstécker gespillt hunn, sinn eréischt an de spéiden 1980er Joren déi éischt reng Bluesmuseksgruppen entstanen.
De Guy Theisen, alias Lesley Kent, soll 1966 deen éischte gewiescht sinn, dee mat senger Band The Problems de Rhythm and Blues zu Lëtzebuerg agefouert huet.[1] An den 1960er-80er Jore soll et zu Lëtzebuerg keng reng Bluesmuseksgruppe ginn hunn. De Concert vum Jimi Hendrix 1967 am Charly's[2], am Kader vun enger gemeinsamer Tournée mam Johnny Hallyday, huet e bleiwenden Androck op déi lëtzebuergesch Musekszeen hannerlooss. An deene Joerzéngten hunn eng Partie Rockgruppen och Bluesnummeren an hirem Repertoire gehat, ë. a. We Feel a Cool Feet. 1970 huet um Lampertsbierg déi legendär Disko Blow Up hir Dieren opgemaach, an där reegelméisseg Blues-Rock-Legenden opgetruede sinn, ë. a. Canned Heat.
Mainline heescht déi éischt Rock- a Bluesmuseksgrupp, déi de Luke Haas a senger Anthologie[3] ernimmt, bei där hie vun 1978 un och matgespillt huet. Réischt Enn der 1980er Jore goufen déi éischt reng Bluesgruppe gegrënnt: Blues Busters (1985-1992), Blues Connection (1987-?), Blues Train (1989-?), Blues For Two (1989-1992) a Blues, Women and Whiskey (1992-?).
De Blues-Club Lëtzebuerg
[änneren | Quelltext änneren]De Blues-Club Lëtzebuerg ass e Veräin ouni Gewënnzweck, deen 1997 gegrënnt gouf a säi Sëtz an der Stad Lëtzebuerg huet. De Blues-Club huet sech zum Zil gesat, d'Blues-Musek an hir derivéiert Museksstiler z'ënnerstëtzen. En organiséiert reegelméisseg Concerten, bei deenen international renomméiert Museker op der Affiche sinn, woubäi lokal oder regional Bluesgruppen d'Geleeënheet kréien, fir den éischten Deel ze spillen a sech domat en Numm ze maachen. D'Concerte vum Blues-Club gi gewéinlech am Sang a Klang am Pafendall gespillt.
Méi Informatioun doriwwer am Artikel: Blues-Club Lëtzebuerg.
Déifferdenger Bluesschoul
[änneren | Quelltext änneren]2006 hunn d'Museker Romain Heck a René Cavallini zesumme mam François Meisch vun der Kulturkommissioun vun der Stad Déifferdeng déi Déifferdenger Bluesschoul gegrënnt. Si gëtt vum Bluesgittarist Remo Cavallini geleet an ass an der Museksschoul vun der Stad Déifferdeng am Kulturzentrum Aalt Stadhaus. Souwuel Ufänger wéi och erfuere Museker kënne sech do fir Coursen aschreiwen.
Lëtzebuergesch Bluesmuseksgruppen
[änneren | Quelltext änneren]| Bluesmuseksgrupp | Gegrënnt | Opgeléist |
|---|---|---|
| Blue Screw | 1990 | 1996 |
| Blue Shade | 2002 | 2007 |
| Blues Busters | 1985 | 1992 |
| Blues Connection | 1987 | ? |
| Blues For Two | 1989 | 1992 |
| Blues Gangsters | ? | ? |
| Blues Train | 1989 | ? |
| Blues, Women and Whiskey | 1992 | |
| BMAD | 2020 | - |
| Chicken Head | 2014 | - |
| Cleanhead & Cosa Nostra | - | |
| Crossroads | 2001 | 2018 |
| Dan's Blues Band | ? | - |
| Dave White and the Mighty Vibrators | ? | - |
| Dr. Rain & The Umbrellas | 2007 | 2017 |
| Eight Bar Blues Band | 2015 | - |
| Elo & The Bad Boys | 2017 | - |
| Empty Arms Blues Band | 2023 | - |
| Fred Barreto Group | ? | - |
| Gaasserockbluesband | ? | - |
| Greyhounds 59 | 2016 | - |
| Heavy Petrol | 2011 | - |
| Kid Colling Cartel | 2012 | - |
| Little Blues Band | ? | - |
| Petrol Train Unplugged | ? | - |
| Ramblin' South | 2015 | - |
| Remo-Cavallini-Band | 2009 | - |
| Renegade Dukes | ? | - |
| Sneaky Pete | ? | - |
| Strange Brew | ? | ? |
| The Coal Street MinOrs | 2012 | - |
| The Heritage Blues Company | 2006 | 2018 |
| The Horse Blinders | 2019 | - |
| The Muddy Marauders | 2022 | - |
| The Odd Blues Reunion | ? | - |
| The Winklepickers | 2001 | - |
| Thunder Road | 2016 | 2023 |
Bluesfestivalen zu Lëtzebuerg
[änneren | Quelltext änneren]- Blues 'n' Jazz Rallye am Gronn, a Clausen, an zanter 2018 och am Pafendall. Zanter 1995 all Joer Mëtt Juli an Zesummenaarbecht mat dem LCTO (Luxembourg City Tourist Office);
- Blues-Express zu Zowaasch an am Fond-de-Gras, all Joer uganks Juli an Zesummenaarbecht mat der Gemeng Déifferdeng;
- Blues 'n' Jazz um Haff, all Joer Mëtt Juni an Zesummenaarbecht mam Päerdsatelier zu Mëtscheed.
- Blues op der Musel, all Joer Mëtt September op der MS Marie-Astrid mat Depart zu Réimech.
Literatur
[änneren | Quelltext änneren]- Haas, Luke, 1982, Luxemburgs Rock Story (1959-1982), Éditions John Schmit, Capellen, 160 S.
- Molinaro, Claude, 2018a. Bluesspuren – Die Anfänge eines Musikstils in Luxemburg. Tageblatt 160: 2. Och op Tageblatt-Online
- Molinaro, Claude, 2018b. "Do war rot, Fa war gelb". Bluesgeschichten - Erinnerungen und Anekdoten. Tageblatt 160: 3.
Kuckt och
[änneren | Quelltext änneren]Um Spaweck
[änneren | Quelltext änneren]- www.bluesclub.lu
- bluesschoul.com
- Luxembourg Blues Bands (en)
- Blues & Jazz Live Music Venues in and around Luxembourg (en)