Lampertsbierg

Vu Wikipedia
Wiesselen op: Navigatioun, sichen
Lampertsbierg
An anere
Sproochen:
fr: Limpertsberg
de: Limpertsberg
Land: Flag of Luxembourg.svg Lëtzebuerg
Kanton: Lëtzebuerg
Gemeng: Blason ville lu Luxembourg-ville.svg Lëtzebuerg
Buergermeeschter: Lydie Polfer (DP)
Awunner Uertschaft: 10.407
(31.12.2016)
Fläch Uertschaft: 157,07 ha
Koordinaten: Gnome-globe.svg49° 37’ 21.7’’ N
     06° 07’ 14.4’’ O
De Lampertsbierg (blo)  an der Stad Lëtzebuerg (gro)
De Lampertsbierg (blo)
an der Stad Lëtzebuerg (gro)
Uertschaften - Gemengen - Stied

De Lampertsbierg ass e Quartier vun der Stad Lëtzebuerg. Vill Leit soën och einfach Lamperbierg.

Geschicht[änneren | Quelltext änneren]

Zur Zäit vun der Festung Lëtzebuerg louch de Lampertsbierg extra muros, just hanner dem Glacis (den haitege Parking huet säin Numm vun deem festungstechneschen Terme). Et war en Hiwwel mat engem Bësch. 1755 ass de Kierfecht Notre-Dame, den Nikloskierfecht do op engem klengen Areal amenagéiert ginn.

De Lampertsbierg, deen do virdrun zu der Gemeng Eech gehéiert huet, ass 1849 zesumme mam Roudebierg an déi nei geschaaft Gemeng Rollengergronn[1] integréiert, ginn, déi bis 1920, wou si un d'Stad Lëtzebuerg ugegliddert ginn ass,[2] existéiert huet.

1855 hunn d'Rousenziichter Jean Soupert a Pierre Notting um Lampertbierg d'Rousenziichterei Soupert & Notting gegrënnt, déi an all Häre Länner Lëtzebuerger Rousen exportéiert huet.

Wéi den Traité vu London 1867 d'Groussherzogtum op éiweg neutral erkläert huet, huet missen d'Festung ofgerappt ginn. Doduerch konnt sech de Perimeter vun der Stad entwéckelen.

1912 gouf d'Par Lampertsbierg gegrënnt, a kuerz duerno, 1913, gouf déi grouss neoromanesch Jousefskierch vum Bëschof Jean-Joseph Koppes feierlech ageweit. Haut gehéiert d'Par Lampertsbierg zum Parverband Notre-Dame, Lampertsbierg, Rollengergronn.

Hautdesdaags ass de Lampertsbierg eng gemëscht Zon, also souwuel e Geschäfts- wéi och Wunnquartier. Et fënnt een do nieft ville Privatwunnengen eng Rei Banken, en etlech Educatiounsariichtungen (en Deel vun der Université du Luxembourg, de Lycée de garçons de Luxembourg, de Lycée Robert-Schuman, de Lycée technique des arts et métiers, de Lycée technique du Centre, de Lycée Michel-Lucius an de Lycée Vauban (Lycée français du Luxembourg), d'Victor Hugo-Hal (e Kulturzentrum) an de groussen Theater vun der Stad Lëtzebuerg.

All Joer ass Enn August bis Uganks September um Glacis um Lampertsbierg d'Stater Kiermes, d'Schueberfouer.

Awunner[änneren | Quelltext änneren]

Wéi d'Par Lampertsbierg 1912 gegrënnt gouf [3], huet de Quartier 2.499 Awunner gezielt.

Op den 31.12.2016 hunn um Lampertsbierg 10.407 Leit gewunnt. Den Undeel vun de Lëtzebuerger louch bei 25,00 % géintiwwer 75,00 % Auslänner[4].

Lampertsbierger no Nationalitéit[4]
Rang Nationalitéit Awunner Prozent
1 Flag of Luxembourg.svg Lëtzebuerg 2.602 25,00
2 Flag of France.svg Frankräich 2.171 20,86
3 Flag of Italy.svg Italien 793 7,62
4 Flag of Spain.svg Spuenien 483 4,64
5 Flag of Portugal.svg Portugal 470 4,52
6 Flag of Germany.svg Däitschland 463 4,45
7 Flag of Belgium (civil).svg Belsch 455 4,37
8 Flag of the United Kingdom.svg Vereenegt Kinnekräich 260 2,50
9 Flag of the United States.svg USA 232 2,23
10 Flag of Greece.svg Griicheland 195 1,87
Aner Nationalitéiten 2.283 21,94
Total 10.407

Kuckt och[änneren | Quelltext änneren]

Literatur[änneren | Quelltext änneren]

Lecorsais, D. „Generationen wechseln, Geschichten bleiben: zu Besuch in Limpertsberg“ op www.wort.lu an an der gedréckter Versioun am Luxemburger Wort vum 31. Oktober / 1. November 2015, S. 36-37 (PDF)

Um Spaweck[änneren | Quelltext änneren]

Commons: Lampertsbierg – Biller, Videoen oder Audiodateien

Referenzen[Quelltext änneren]

  1. Loi du 8 mai 1849, qui érige une nouvelle commune sous le nom de Rollingergrund. Mémorial législatif et administratif du Grand-Duché de Luxembourg 1849, S. 541s. [1]
  2. Loi du 26 mars 1920 concernant la fusion des communes de Hollerich, Rollingergrund et Hamm avec la ville de Luxembourg. Mémorial du Grand-Duché de Luxembourg 1920, S. 355ss. [2]
  3. Feller, M., 1958. Die Pfarrei Limpertsberg. In: 50e anniversaire... : 1908-1958 / Harmonie municipale Luxembourg-Limpertsberg. Luxembourg, S. 82.
  4. 4,0 4,1 État de la population 2016 - Statistiques sur la population de la Ville de Luxembourg op vdl.lu, der Websäit vun der Stad Lëtzebuerg (gekuckt den 22. Februar 2017)