Hamm (Stad Lëtzebuerg)

Dësen Artikel beschäftegt sech mat dem Quartier Hamm vun der Stad Lëtzebuerg. Fir aner Plaze mat demselwechten Numm, kuckt w.e.g. Hamm.


Hamm

An anere
Sproochen:

fr: Hamm
de: Hamm

Land:

Lëtzebuerg

Kanton:

Lëtzebuerg

Gemeng:

Lëtzebuerg

Buergermeeschter:

Lydie Polfer (DP)

Awunner Uertschaft:

1.376
(31.12.2015)

Fläch Uertschaft:

407,62 ha

Koordinaten:

49° 36’ 18’’ N
06° 09’ 24.1’’ O

Hamm (blo)
an der Stad Lëtzebuerg (gro)

Uertschaften - Gemengen - Stied

Hamm ass e Quartier am Oste vun der Stad Lëtzebuerg. Vun 1874 bis 1920 gouf et och eng Gemeng Hamm.

Geographesches[änneren | Quelltext änneren]

Hamm steet op engem Plateau am Oste vun der Stad Lëtzebuerg, tëscht dem Hammerställchen am Norden an dem Uelzechtdall. De Fluchhafe Lëtzebuerg um Findel mécht am Nordosten d'Grenz. Ee vun de gréisste Bëscher vun der Gemeng ass den Hammer Bësch, dee mat sengen 130 ha op der Sandweiler Säit läit. Do ass och den amerikaneschen Zaldotekierfecht ze fannen.

Gemeng Hamm[änneren | Quelltext änneren]

Weekräiz vu 1739 a Gedenkplacken op der Fassad vun der Kierch

Den 1. Januar 1874 (Gesetz vum 20. Dezember 1873) ass d'Gemeng Hamm aus der Sektioun Hamm (mat den Uertschaften Hamm, Schläifmillen, Fetschebour^[1], Hämmerställchen, Scheedgronn, Zens an Tavion) an aus der Sektioun Polvermillen, wat bis zu deem Zäitpunkt zwou Sektiounen vun der Gemeng Sandweiler waren, entstanen.

De Paul Godchaux (1844 - 1888) gouf éischte Buergermeeschter vun der Gemeng Hamm a war dat vun 1874 bis zu sengem Doud am Joer 1888. Säi Cousin, de Jules Godchaux (1845 - 1917), war duerno vun 1888 bis 1917 Buergermeeschter. Den Émile Godchaux (1864 - 1942) war vun 1917 bis 1918 Buergermeeschter. Hien huet als Buergermeeschter demissionéiert, well hien an d'Chambre de Commerce erakomm ass. Säin Nofolger gouf de Pierre Kohner (1858 - 1927), e Bauer vum Zens.

D'Gemeng Hamm huet den 1. Juni 1920 (Gesetz vum 26. Mäerz 1920), zesumme mat de Gemengen Hollerech a Rollengergronn mat der Stad Lëtzebuerg fusionéiert.

Buergermeeschteren[änneren | Quelltext änneren]

1874 - 1888 : Paul Godchaux
1888 - 1917 : Jules Godchaux
1917 - 1918 : Émile Godchaux
1918 - 1920?: Pierre Kohner

Awunner[änneren | Quelltext änneren]

Op den 31. Dezember 2015 hunn zu Hamm 1.376 Leit gewunnt. Dovu ware 46,73% Lëtzebuerger an 53,27% Auslänner^[2].

**Hämmer no Nationalitéit**
Rang	Nationalitéit	Awunner
1	Lëtzebuerg	643
2	Portugal	235
3	Frankräich	138
4	Italien	61
5	Belsch	40
6	Däitschland	23
7	Spuenien	20
	Indien	20
9	Vereenegt Kinnekräich	19
10	Irland	14
	Aner Nationalitéiten	143
	Total	1.376