Gantebeensmillen
| Gantebeensmillen | |
|---|---|
 Iwwerreschter vun der Waassermillen op der Gantebeensmillen | |
| An anere Sproochen |
fr: Moulin de Gantenbein de: Gantenbeinsmühle |
| Land | Lëtzebuerg |
| Kanton | Lëtzebuerg |
| Gemeng |
 Hesper |
| Buergermeeschter | Marc Lies (CSV) |
| Koordinaten |
49° 36’ 15.1’’ N 06° 10’ 11.2’’ O |
 | |
.jpg)
D'Gantebeensmillen ass e Lieu-dit an der Gemeng Hesper an et war fréier eng vu fënnef Waassermillen déi am Uelzechtdall an der Ëmgéigend vun Hamm funktionéiert hunn.
Déi wirtschaftlech Bedeitung vun de Mille laanscht d'Uelzecht bestoung virun allem doran, datt s'an der virindustrieller Zäit déi eenzeg Energieproduzente waren. Do gouf Waasserkraaft a mechanesch Energie ëmgewandelt. Ronderëm d'Millen huet d'industriell Revolutioun am 19. Joerhonnert ugefaangen.
Nach ier den neien Thomas-Procedé zu Lëtzebuerg bekannt gouf - mat deem een aus phosphorhaltegem Minett Stol gewanne kann - hat an der Géigend vun Hamm d'industriell Produktioun schonn ugefaangen d'Agrarproduktioun lues a lues ofzeléisen[1].
D'Gantebeensmillen war eng vu 5 Millen am Uelzechtdall a geet wuel bis an d'Joer 1786 zeréck a war fréier ënner dem Numm „Mille beim Tuerbelsfiels“[1] bekannt. Et war eng Schläifmille mat 2 Gebaier[2] war, déi am Joer 1821 dem Peter Gantenbein gehéiert huet. 1823 krut hien d'Autorisatioun fir d'Platinerei an eng Mielmillen ëmzebauen[3]. 1872 ass d'Millen dunn un d'Duchfabrik vun e Bridder Godchaux verkaf ginn.
1934 huet d'Famill C. Kremer-Legros op der Gantebeensmillen um lénksen Uwänner eng oppe Schwämm[4] an eng Wiertschaft opgemaach. 1945 war dunn d'Ouverture vun der Hostellerie Gantenbeinsmühle vum Jules Rolling[3].
De Succès vun der Schwämm mat hirem Café huet bis Ufank vun den 1960er Jore gedauert; duerno ass et méi roueg ginn a schlussendlech gouf zougemaach. An den 1970er Jore koum en neie Proprietär deen de Schwammbaseng renovéiert, e Bar op der Terrasse an e Café-Restaurant nei opgemaach huet[5].
D'Schwämm an de Restaurant hunn ...[Wéini ?] definitiv zougemaach, an zënterhier stinn d'Gebaier eidel a verfalen. Aus engem Projet vun engem Wellnesshotel, deen 2012 opkoum, grad ewéi virdrun deene vun enger Diskothéik oder engem Club-Restaurant[6], ass näischt ginn. Den 31. Mee 2017 huet et am fréiere Restaurant gebrannt[7].
Am Summer 2021 gouf op der Gantebeensmille fir e puer Méint e Pop-up Open-air-Club mam Numm “The River” installéiert.[8]
D'Parzelle gehéieren der Gesellschaft PropCo 1, déi Mëtt Dezember 2021 gegrënnt gouf. Den eenzege Gesellschafter ass d'Firma Greenfich Capital Management S.A.[9]
De 26. Januar 2024 huet et an enger Veranda um Terrain vun der Mille gebrannt[10].
De Kayak Club Olympia Hamm, deen 1936 gegrënnt gouf an zënter 1997 de Kayak Club Hesper ass, huet säi Bootshaus op der Gantebeensmillen.
Biller[änneren | Quelltext änneren]
Kuckt och[änneren | Quelltext änneren]
- Duchindustrie zu Lëtzebuerg
- Déi aner Mille ronderëm Hamm: Follmillen, Schläifmillen, Bouneweger Millen, Polvermillen.
Literatur[änneren | Quelltext änneren]
- Erpelding, Émile, 1988. Die Mühlen des Luxemburger Landes. 2. Aufl. 800 S. Christnach: E. Borschette; Luxembourg: Impr. Saint-Paul, Luxemburg.
Um Spaweck[änneren | Quelltext änneren]
| Commons: Gantebeensmillen – Biller, Videoen oder Audiodateien |
- “Gantebeensmillen”: Schandfleck in der Alzettetal-Idylle op tageblatt.lu de 26. Abrëll 2017, fir d'lescht gekuckt de 5. August 2018
- RTL weist Iech, wéi d'Schwämm an der Gantebeensmillen elo ausgesäit! op rtl.lu den 23. Mäerz 2019, fir d'lescht gekuckt den 23. Mäerz 2019
Referenzen an Notten[Quelltext änneren]
- ↑ 1,0 1,1 Hubert Marx, 1988, Leben in Hamm einst und jetzt an Ons Stad, Nr. 28, Säit
- ↑ Urkadasterplang
- ↑ 3,0 3,1 Gantebeensmillen op industrie.lu, fir d'lescht gekuckt de 6. August 2018
- ↑ Gilles Siebenaler, Brachliegende "Gantebeensmillen", Freibad, Party-Location und dann der Verfall, Mehr als 200 Jahre reicht die Geschichte der Gantebeensmillen zurück. Vielen Bürgern ist sie als beliebtes Freizeitareal in Erinnerung.. wort.lu [€] (30.6.2021). Gekuckt de(n) 6.3.2024.
- ↑ Marie-Louise Wallers-Rykal, D'Gantebeensmillen op memories.lu - Meng Erënnerungen – Eis Geschicht, den 29. Mee 2017, fir d'lescht gekuckt de 6. August 2018
- ↑ "Ein Wellness-Hotel an der „Gantenbeinsmillen“." wort.lu, 16.03.2012.
- ↑ Feier op der Gantebeensmillen, op rtl.lu den 31. Mee 2017, fir d'lescht gekuckt de 5. August 2018.
- ↑ " 'The River': Das Comeback der Gantebeensmillen." wort.lu, 30.06.2021.
- ↑ David Thinnes, Frühere Party-Location Gantebeensmillen: Ein Brand und viele offene Fragen, Ende Januar dieses Jahres hat es in den Gebäuden des ehemaligen Freibads gebrannt. Events werden dort keine mehr gefeiert.. wort.lu [€], Luxemburger Wort, 27.2.2024, S.12 (26.2.2024). Gekuckt de(n) 6.3.2024.
- ↑ Brand an der "Gantebeensmillen". wort.lu (26.1.2024). Gekuckt de(n) 6.3.2024.