Gemeng Sandweiler

Gemeng Sandweiler
Gemeng Sandweiler
	d'ronn Märei zu Sandweiler
An anere Sproochen	fr: Sandweiler; de: Sandweiler
Land	Lëtzebuerg
Kanton	Kanton Lëtzebuerg
Chef-lieu	Sandweiler
Buergermeeschter	Jacqueline Breuer (LSAP)
Awunner	3.751
	1 Januar 2023
Fläch	773 ha
Héicht	335 m
Koordinaten	49° 37’ 00’’ N; 06° 13’ 13’’ 0O
Postcode	L-5201
LAU-Code	LU0306
Websäit	https://www.sandweiler.lu/

D'Gemeng Sandweiler ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Sandweiler vun där se och hiren Numm huet.

Uertschaften an der Gemeng[änneren | Quelltext änneren]

Sandweiler

Follgend Häff a Lieu-diten gehéieren zur Gemeng:

Geographie[änneren | Quelltext änneren]

D'Gemeng Sandweiler stéisst am Westen un d'Stad Lëtzebuerg, am Südwesten un d'Gemeng Hesper, am Süden d'Gemeng Conter, am Osten un d'Gemeng Schëtter, an am Norden un d'Gemeng Nidderaanwen.

Geschicht[änneren | Quelltext änneren]

Den 1. Januar 1874^[1] ass aus der Sektioun Hamm (mat den Uertschaften Hamm, Schläifmillen, Fetschebuer, Hammer Dällchen, Scheedgronn, Zens an Tawioun^[2] an aus der Sektioun Polvermillen, déi bis zu deem Zäitpunkt zwou Sektioune vun der Gemeng Sandweiler waren, d'Gemeng Hamm entstanen.

Duerch Gesetz vum 5. Juli 1939^[3] goufen d'Uertschaft Kalchesbréck an de Lieu-dit Steppchen, bei d'Gemeng Lëtzebuerg geprafft.

Entwécklung vun der Awunnerzuel[änneren | Quelltext änneren]

Quell:STATEC

Wopen[änneren | Quelltext änneren]

	Beschreiwung am Originaltext: burelé d'or et de gueules de dix pièces à la croix de sable brochant, la traverse chargée d'un quadriréacteur de front D.C. 24. November 1982 - A.M. 5. Januar 1983 - Mémorial B 1983, Säit 207 - Projet: 1982 Marcel Lenertz

Politik[änneren | Quelltext änneren]

Gemengerot[änneren | Quelltext änneren]

De Gemengerot vu Sandweiler gëtt zanter 2011 nom Proporzsystem gewielt. E setzt sech aus 11 Conseilleren zesummen.

Zesummesetzung[änneren | Quelltext änneren]

D'Majoritéitskoalitioun am Gemengerot ass fett geschriwwen

Joer	CSV	DP	gréng	LSAP
2005	4	-	1	4
2011	5	2	2	2
2017	4	2	3	2
2023	3	3	2	3

Quell: Inneministère / RTL.lu / elections.lu

De Gemengerot, deen aus de Wale vun 2005 ervirgoung, bestoung aus jee 4 CSV an LSAP-Gemengeréit, an engem Gréngen. Buergermeeschter war de Charles Unsen, LSAP (deen 2011 net méi kandidéiert huet).

Säin Nofollger gouf am Oktober 2011 de John Breuskin (CSV). No sengem Récktrëtt gouf deem seng Parteikolleegin Simone Massard-Stitz den 28. Januar 2015 vereedegt.

Bei de Gemengewale vum 11. Juni 2023 koum et zu enger neier Koalitioun, an d'Jacqueline Breuer gouf nei Buergermeeschtesch.^[4].

Buergermeeschteren[änneren | Quelltext änneren]

Michel Altmann (1830 – 1845)^[5]
Samson Godchaux (1846 – 1862)
Jean Weicker (1862 – 1872)
Paul Godchaux (1873)
Nicolas Mousel (1874 – 1888)
Mathias Mousel (1889)
Emile Fischer (1891 – 1902)
Jacques Mousel (1903 – 1907)
Jean Mousel (1907 – 1917)
Pierre Hentzen (1918 – 1926)
Nicolas Birkel (1927 – 1934)
Emile Hentzen (1935 – 1945)

Joseph Reichling (1946 – 1957)
Pierre Birkel (1957 – 1963)
Josy Gardulal (1964 – 1965)
Henri Majerus 1966 – 1978)
Pierre Schmitt (1979 – 1991)
Alphonse Massard (1991 – 1993)
Charles Unsen (1994 – 1999)
John Breuskin (2000 – 2009)
Charles Unsen (2009 – 2011)
John Breuskin (2011 - 2015)
Simone Massard-Stitz (2015 - 2023)
Jacqueline Breuer (zanter 2023)^[6].

Interkommunal Syndikater[änneren | Quelltext änneren]

D'Gemeng Sandweiler ass Member vu follgenden interkommunale Syndikater:

Biller[änneren | Quelltext änneren]

Sandweiler an de Findel
D'Kierch Sandweiler
Lannenallee tëscht Lëtzebuerg a Sandweiler

Kuckeswäertes[änneren | Quelltext änneren]

De Fluchhafen um Findel;
Den Dauwentuerm um Bireler Haff;
Den däitschen Zaldotekierfecht mat de Griewer vun 10.913 gefalenen däitschen Zaldoten aus dem Zweete Weltkrich an engem aus dem Éischte Weltkrich;
De Quellepad am Naturschutzgebitt Bireler Gronn;
D'Sandweiler Kierch;
Bemierkenswäert Beem um Scheedhaff: d'Lannenallee an e Séisskäschtebam.

Bibliographie[änneren | Quelltext änneren]

Sandweiler Notizen Nr 1 erausgi vu redaktioun sandweiler 1083 - 1983,72 Säiten, (Imprimerie Saint-Paul, 1982)
Sandweiler Notizen Nr 2 erausgi vu redaktioun sandweiler, 166 Säiten, (Imprimerie Saint-Paul, 1983)
Sandweiler Notizen Nr 3 erausgi vu Santwilre, Frënn vum Ale Sandweiler, 197 Säiten, (Imprimerie Joseph Beffort, Lëtzebuerg, 1990)
Sandweiler Notizen Nr 4 erausgi vu Santwilre, Frënn vum Ale Sandweiler, 212 Säiten, (Imprimerie Saint-Paul, Lëtzebuerg, 1992)
Sandweiler Biller, Sandweiler Notizen Nr 5 erausgi vun der Gemeng Sandweiler, 237 Säiten, (Imprimerie Saint-Paul, Lëtzebuerg, 1999)
250 Joer Porkierch Sandweiler, Sandweiler Notizen N°6 erausgi vu Santwilre, Frënn vum ale Sandweiler, 288 Säiten + Fotoen an Dokumenter (Imprimerie Saint-Paul Lëtzebuerg, 2008)