Gemeng Steesel

Gemeng Steesel
Gemeng Steesel
	d'Märei vu Steesel (2014)
Aussprooch
An anere Sproochen	fr: Steinsel; de: Steinsel
Land	Lëtzebuerg
Kanton	Kanton Lëtzebuerg
Gemeng	Kanton Lëtzebuerg
Chef-lieu	Steesel
Buergermeeschter	Manon Kolber-Hoffmann (LSAP)
Awunner	6.186
	1. Januar 2026
Fläch	2.189,5977 ha
Héicht	243 m
Koordinaten	49° 40’ 35’’ N; 06° 07’ 25’’ O
LAU-Code	LU0308
Websäit	http://www.steinsel.lu/
	D'Gemeng Steesel (orange) am Kanton Lëtzebuerg (rout)

D'Gemeng Steesel ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Steesel vun där se och hiren Numm huet.

D'Gemeng huet 6.186 Awunner (Stand 1. Januar 2026)^[1]^[2].

Geographie

D'Gemeng Steesel läit nërdlech vu Walfer am Uelzechtdall. Et ass déi nërdlechst Gemeng am Kanton Lëtzebuerg. Steesel gëtt duerch d'Uelzecht an zwéin Deeler getrennt: westlech vun der Uelzecht leie Steesel a Mëlleref, ëstlech dovu läit Heeschdref.

Nopeschgemengen

Kielen	Luerenzweiler	Jonglënster
	N	Nidderaanwen
	W Steesel O
	S
Koplescht	Walfer	Lëtzebuerg

Uertschaften an der Gemeng

Geschicht

D'Gemeng Steesel ass, wéi déi meescht aner Gemengen am Land, ënner dem franséische Regimm entstanen, de facto den 1. Oktober 1795, wéi mat der Aglidderung an d'Bëscherdepartement och déi franséisch Gemengegesetzgebung zu Lëtzebuerg applikabel gouf. Och no der Grënnung vum Groussherzogtum Lëtzebuerg, 1814/15, sinn d'Gemenge weiderhin als lokal Verwaltungseenheeten erhale bliwwen.

Mam Gesetz vum 25. November 1850 sinn d'Sektioune Bäreldeng, Helsem a Walfer vun der Gemeng Steesel ofgetrennt gi fir déi nei Gemeng Walfer ze bilden^[3]. Gutt zwee Joer duerno si weider Deeler vu Steesel ewechgeholl gi fir d'Gemeng Koplescht ze schafen^[4].

Um Steeseler Bierg op Roellent goufen Iwwerreschter vun enger réimescher Siidlung fonnt, déi op eng laang Geschicht hiweisen. Des Weidere goufen 1854 beim Bau vun der Steeseler Kierch Iwwerreschter vun Therme fonnt.

Op der haiteger Fläch vun der Gemeng stoungen zwou Millen, d'Bintzemillen an d'Werdelsmillen, aus deenen no an no déi zwou Uertschafte Mëlleref, respektiv Steesel, entstane sinn.

D'Heeschdrëffer Wuerzele féieren op d'Heeschdrëffer Schlass zeréck, dat an der Vergaangenheet eng Buerg war, an haut vu Schwësteren a vun der Fondatioun Tricentenaire bewunnt gëtt.

Wopen

	Beschreiwung am Originaltext: coupé d'argent à une porte de ville ouverte à trois tours de gueules, l'ouverture de la porte chargée d'une anille de sable, et de gueules à trois lions d'argent posés 2 et 1 D.C. 6. Juni 1983 - A.M. 15. Juli 1983 - Mémorial B 1983, Säit 960 - Projet: 1983 Marcel Lenertz

Demographesch Entwécklung

Quell: STATEC – Population par canton et commune, automatesch vu Wikidata agebonnen.

Politik

De Gemengerot vu Steesel gëtt nom Proporzsystem gewielt. E setzt sech aus 11 Conseilleren zesummen.

Als Resultat vun de Gemengewale vun 2011, wéi och vun 2017, stäipt sech de Schäfferot op eng LSAP-CSV-Koalitioun.^[5]

Buergermeeschter ass de Manon Kolber-Hoffmann (LSAP) .

Bei de Gemengewalen 2023 ass et fir d'LSAP bei de 5 Sëtz am Gemengerot bliwwen, iwwerdeems d'CSV ee Sëtz verluer huet. Doropshin koum et zu enger LSAP-DP Koalitioun^[6].

Zesummesetzung
D'Majoritéitskoalitioun am Gemengerot ass fett geschriwwen

Joer	CSV	DP	LSAP	déi gréng
1999	2	2	7	-
2005	2	3	6	-
2011	2	2	7	-
2017	2	4	5	-
2023	1	4	5	1

Quell: Inneministère / RTL.lu / elections.lu

Buergermeeschteren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

...
1844: Bernard Kintzelé^[7]
...
1885: Pierre Hintgen
...
19??: Pierre Ecker
...
... – 1940: Alphonse Hintgen^[8]
1945 – ?: Jean Husting^[8]
? – ?: Joseph Schlimm^[8]
? – 1962: Georges Schwartz^[9]
1962 – 1964: Jean Koenig^[8]
1964 – 1975: Jacques Mischo
1976 – 1987; Robert Daleiden^[10]
1988 – 2021: Jean-Pierre Klein (LSAP)
2021 – 2025: Fernand Marchetti (LSAP)^[11]^[12]^[13]
zanter 2025: Manon Kolber-Hoffmann (LSAP)

Ekonomie

Zu Steesel ass ee Supermarché, de Pall Center, an an der lokaler Industriezon sinn iwwer 30 Firmaen. Des Weideren hat d'Creos zu Heeschdref ee vun hire Dispatching-Zentren.

Landwirtschaft

D'Landwirtschaft huet zu Steesel nom Zweete Weltkrich e groussen Opschwonk gehat. Steesel ass fir seng Äerdbieren, Uebst a Gromperenzuucht bekannt. Steeseler Grompere gi vu Luxpatates am ganze Land verkaaft.

Um Steeseler Bierg si grouss Bongerten, déi Privatleit a Butteker mat Äppel a Biere beliwweren. Och Landschaftsgäertnereien, wéi d'Bamschoul Becker zu Mëlleref, d'Pépinières Kintzlé zu Heeschdref a Blummegäertner, wéi Fleurs Wüst hunn zu Steesel eng laang Traditioun.
Zu Steesel gëtt et nach e puer Bauerebetriber.

Liewen an der Gemeng

Steesel huet laanscht der Uelzecht een Noerhoulungsgebitt geschaf, dat nach soll ausgebaut ginn. Am Zentrum vum Projet ass d'Renaturéierung vun der Uelzecht.

Des Weidere solle Spillplazen opgeriicht ginn, an e Vëloswee ugeluecht ginn^[Wéini?], dee Walfer mat Heeschdref verbënnt. D'Gemeng Steesel huet mat de Gemenge Walfer a Luerenzweiler eng interkommunal Schwämm, d'Pidal geschaf.

D'Musek L'Echo de l'Alzette de la Commune de Steinsel ass 2002 aus dem Zesummeschloss vun der Steeseler an der Heeschdrëffer Musek entstanen. Och de Sport gëtt an der Gemeng grouss geschriwwen, an do si virun allem en ettlech Basketstitele vun der BBC Amicale Steesel ervirzehiewen.

Verkéier

D'Lëtzebuerger Strooss, d'N7, Haaptverkéiersachs tëscht der Stad Lëtzebuerg a Miersch, féiert duerch Heeschdref. D'Gemeng Steesel huet och eng Gare, d'Heeschdrëffer Gare. Se läit op der Streck Lëtzebuerg-Ettelbréck. E puer RGTR- an AVL-Buslinne verbannen d'Gemeng Steesel mat der Stad Lëtzebuerg.

Interkommunal Syndikater

D'Gemeng Steesel ass Member vu follgenden interkommunale Syndikater:

PIDAL - SEC - SICEC - SIDOR - SIDERO - SIGI - SYVICOL

Jumelage

Pacé Frankräich

Bekannt Persounen

Pierre Dupong (1885 – 1953), Staatsminister, gebuer an der Sektioun Heeschdref,
Joseph „Sepp“ Hansen (1874 – 1952), Schrëftsteller,
Jempi Klein (*1944), Affekot a Politiker,
Willy Goergen (1867 – 1942), Schrëftsteller.

Kuckeswäertes

Literatur

Michel Schmitt: Die Pfarrkirche von Steinsel in ihrem zeitgenössischen Entstehungskontext Steinsel: Administration communale, 2005. - 24 p.: ill. ; 21 cm
La commune de Steinsel en images: son développement récent, Steinsel: Commune, 2005 - 36 p.: ill. ; 21 x 30 cm

Kuckt och

Um Spaweck

Commons: Gemeng Steesel – Biller, Videoen oder Audiodateien

Referenzen

↑ Dës Informatioun gëtt automatesch vu Wikidata agebonnen.
↑ STATEC - Population par canton et commune. STATEC - Population par canton et commune. Institut national de la statistique et des études économiques. Gekuckt den 29. Juli 2026.
↑ (fr) Loi du 25 novembre 1850 qui érige une nouvelle commune sous le nom de Walferdange. legilux.public.lu (11.12.1850). Gekuckt den 19.07.2020.
↑ (fr) Loi du 22 février 1853 qui érige une nouvelle commune sous le nom de Kopstal. legilux.public.lu (23.03.1853). Gekuckt den 19.07.2020.
↑ "Koalitioun LSAP/CSV steet, Klein bleift Buergermeeschter." rtl.lu, 11.10.2017, 12:04:19.
↑ (de) In diesen Gemeinden stehen die Schöffenräte bereits fest. luxemburger-wort-online. wort.lu (20.06.2023). Gekuckt de 06.07.2023.
↑ ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844
1 2 3 4 Erdbeer im Wappen: Steinsel und Heisdorf. In: Revue, 24. Jg., nº 37 (13.09.1969), p. 42 [Numérisé par la Bibliothèque nationale du Luxembourg].
↑ In memoriam Bürgermeister Georges Schwartz, Steinsel. In: Luxemburger Wort, 115. Jg., n° 281 (10.10.1962), p. 9 [Numérisé par la Bibliothèque nationale du Luxembourg].
↑ Ehrenbürgermeister Robert Daleiden. In: Tageblatt, nº 10 (13.01.1992), p. 10 [Numérisé par la Bibliothèque nationale du Luxembourg}.
↑ (fr) Assermentation du nouveau bourgmestre et d'un nouvel échevin de la commune de Steinsel. mint.gouvernement.lu (03.01.2022). Gekuckt den 01.03.2022.
↑ (fr) Assermentation des collèges des bourgmestre et échevins. mint.gouvernement.lu (06.07.2023). Gekuckt de 06.07.2023.
↑ Marc Hoscheid: "De Fernand Marchetti wäert nach dëst Joer demissionéieren." rtl.lu, 02.06.2025.

[1] Dës Informatioun gëtt automatesch vu Wikidata agebonnen.

[wikidata-1fccb26f129c25a08358fabde1ddd66edf90e88b-2] STATEC - Population par canton et commune. STATEC - Population par canton et commune. Institut national de la statistique et des études économiques. Gekuckt den 29. Juli 2026.

[3] (fr) Loi du 25 novembre 1850 qui érige une nouvelle commune sous le nom de Walferdange. legilux.public.lu (11.12.1850). Gekuckt den 19.07.2020.

[4] (fr) Loi du 22 février 1853 qui érige une nouvelle commune sous le nom de Kopstal. legilux.public.lu (23.03.1853). Gekuckt den 19.07.2020.

[5] "Koalitioun LSAP/CSV steet, Klein bleift Buergermeeschter." rtl.lu, 11.10.2017, 12:04:19.

[6] (de) In diesen Gemeinden stehen die Schöffenräte bereits fest. luxemburger-wort-online. wort.lu (20.06.2023). Gekuckt de 06.07.2023.

[7] ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844

[revue-8] 1 2 3 4 Erdbeer im Wappen: Steinsel und Heisdorf. In: Revue, 24. Jg., nº 37 (13.09.1969), p. 42 [Numérisé par la Bibliothèque nationale du Luxembourg].

[9] In memoriam Bürgermeister Georges Schwartz, Steinsel. In: Luxemburger Wort, 115. Jg., n° 281 (10.10.1962), p. 9 [Numérisé par la Bibliothèque nationale du Luxembourg].

[10] Ehrenbürgermeister Robert Daleiden. In: Tageblatt, nº 10 (13.01.1992), p. 10 [Numérisé par la Bibliothèque nationale du Luxembourg}.

[11] (fr) Assermentation du nouveau bourgmestre et d'un nouvel échevin de la commune de Steinsel. mint.gouvernement.lu (03.01.2022). Gekuckt den 01.03.2022.

[12] (fr) Assermentation des collèges des bourgmestre et échevins. mint.gouvernement.lu (06.07.2023). Gekuckt de 06.07.2023.

[13] Marc Hoscheid: "De Fernand Marchetti wäert nach dëst Joer demissionéieren." rtl.lu, 02.06.2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]