Gemeng Bartreng

Gemeng Bartreng
d'Gemengenhaus zu Bartreng
An anere Sproochen	fr: Bertrange de: Bartringen
Land	Lëtzebuerg
Kanton	Kanton Lëtzebuerg
Chef-lieu	Bartreng
Buergermeeschter	M. Smit-Thijs (DP)
Awunner	8.892
	1. Januar 2024
Fläch	1.737,9084 ha
Héicht	287 m
Koordinaten	49° 36’ 36’’ N       06° 02’ 59’’ O
LAU-Code	LU0301
Websäit	https://www.bertrange.lu/

D'Gemeng Bartreng ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Bartreng vun där se och hiren Numm huet.

Uertschaften an der Gemeng

Zu der Gemeng Bartreng gehéieren ausser Bartreng selewer nach déi follgend Lieu-diten an Häff:

• Tossebierg
• Bartreng-Gare
• Helfenter Bréck
• Findelshaff
• Gréiwelsser Barrière a Gréiwelsser Haff
• Nidert mat dem Niderterhaff an engem Haus
• Boufert mat dem Bouferterhaff an engem Haus
• Luerenzscheier mat dem Luerenzscheierhaff

Kadastersektiounen

D'Gemeng Bartreng huet dräi Kadastersektiounen:

• A de Bertrange mat 550,4480 ha
• B de Beaufort mat 522,2668 ha
• C de Lorenzscheuer mat 665,1936 ha

Geographie

D'Gemeng Bartreng läit westlech vun der Stad Lëtzebuerg op enger Héicht tëscht zirka 280 an 345 m (NG-L).

D'Nopeschgemenge si Mamer a Stroossen am Norden, Lëtzebuerg am Osten, Leideleng a Reckeng op der Mess am Süden an Dippech am Westen.

Duerch d'Gemeng leeft vu Westen no Osten d'Péitruss. D'Grouf, eng Baach déi hiren Ursprong grad wéi d'Péitruss am ëstlechen Deel vun der Gemeng Dippech huet, leeft och vu Westen no Osten duerch d'Gemeng a fléisst da bei der Helfenter Bréck an d'Péitruss.

Verkéier

Iwwer den Tossebierg leeft d'Nationalstrooss N6 déi op hirer ganzer Längt zu der Voie de la Liberté gehéiert.

Weider wichteg Stroosse sinn d'N34 an d'N35, déi d'Verbindung tëscht der N6 an der N5 maachen, déi an Ost-Westrichtung duerch d'Gemeng féiert.

Op der Helfenter Bréck ass d'Gemeng un d'Autobunn A6 ugeschloss, déi do zirka 350 m iwwer d'Gebitt vun der Gemeng leeft.

Ausserdeem lafen nach d'Chemin reprisen CR163 an CR181 duerch d'Gemeng.

D'Gemeng ass duerch d'Eisebunnsstreck Lëtzebuerg-Klengbetten un d'Eisebunnsnetz ugeschloss un där se eng Gare huet.

Duerch d'AVL-Buslinne 5, 6, 8, 10, 11 a 16 ass d'Gemeng duerch Busse mat der Stad Lëtzebuerg verbonnen.

Geschicht

Den 1. Januar 1850 (duerch Gesetz vum 6. August 1849) goufen d'Sektioun Stroossen an den Deel vun der Sektioun Reckendall dat um "ban de Strassen" louch, vun der Gemeng Bartreng ofgetrennt, fir eng nei Gemeng Stroossen ze schafen.

Am Annuaire officiel 1917 fënnt ee fir d'Gemeng Bartreng 1.202 Awunner, 250 bewunnten Haiser an 252 Famillen.

Wope vu Bartreng

Beschreiwung am Originaltext Coupé d'argent et de gueules, au lion de l'un en l'autre, armé, lampassé et couronné d'or, la queue fourchue et passée en sautoir. D.C. 29. Oktober 1981 - A.M. 22. Dezember 1981 - Mémorial B 1981, Säit 1362 - Projet: Jean-Claude Loutsch 1981 Déi gedeelt Emailer kommen aus dem Wope vun den Häre vu Bertrange-lez-Thionville. De rouden Deel vum Léiw, ass vum Léiw vum Lëtzebuerger Wopen, an de sëlweren Deel kënnt aus dem Wope vum Jang de Blannen dee sengem natierleche Meedche Colette, dat mam Gerard Barong vu Rodstock bestuet war, d'Seigneurerie Bartreng geschenkt hat.

Entwécklung vun der Awunnerzuel

Quell: STATEC

Politik

De Gemengerot vu Bartreng gëtt nom Proporz-Walsystem gewielt. E setzt sech zanter 2011 aus 13 Conseilleren zesummen.

No de Gemengerotswale vum 8. Oktober 2017, bei deenen d'DP déi absolut Majoritéit krut, stellt dës Partei de Schäfferot, mam Frank Colabianchi als Buergermeeschter. Virdru war d'DP an enger Koalitioun mat deene Gréngen.

Zesummesetzung

Joer	CSV	DP	gréng	LSAP
1999	2	7	-	2
2005	3	6	1	1
2011	3	6	3	1
2017	3	7	2	1
2023	3	7	2	1

Quell: Inneministère / RTL.lu / elections.lu

Buergermeeschteren

• 1805-1808: Jean-François-Joseph d'Huart
• 1809-1816: Jean-Pierre Suttor
• 1817-1824: Jean-François-Joseph d'Huart
• 1825-1830: Jean-François Molitor
• 1831-1837: Jean-François-Joseph d'Huart
• 1838-1843: Jean Beissel vu Stroossen
• 1844-1848: Richard Wolter vu Stroossen
• 1849-1854: Pierre Hutmacher
• 1855-1860: Nicolas Goergen
• 1661-1868: Jean-Pierre Muller
• 1869-1875: Théophile Fries
• 1875-1878: Jean-Pierre Muller
• 1879-1884: Hubert Hilger
• 1885-1896: Alexandre de Colnet
• 1897-1908: Hubert Hilger
• 1909-1918: Jean Kaufmann
• 1918-1925: Jean Theisen
• 1925-1935: Antoine Schneider
• 1935-1940: Nicolas Hilger
• 1944-1957: Nicolas Hilger
• 1958-1972: André Wolff
• 1972-1981: Joseph Marson
• 1982-2001: Niki Bettendorf
• 2002-2009: Paul Geimer
• 2009-2022: Frank Colabianchi
• Mäerz 2022 - : Monique Smit-Thijs

Jumelage

Zanter dem 23. Mäerz 1997 ass Bartreng mat der italieenescher Gemeng Santa Maria Nuovo (Regioun Marken (Marche), Provënz Ancona) jumeléiert.

Interkommunal Syndikater

D'Gemeng Bartreng ass Member vu follgenden interkommunale Syndikater:

• C.N.I. "Les Thermes"
• SES
• SICA
• SICEC
• SICONA-Sud-Ouest
• SIDOR
• SIGI
• SYVICOL

Kuckeswäertes an der Gemeng

• Schlass Schauwebuerg
• Schlass De Colnet d'Huart
• Kierch Bartreng
• Bemierkenswäert Lannenallee um Gréiwelsser Haff
• d'Nëmmeswiss, en Naturschutzgebitt

• 
  Kierch a Schlass Schauwenburg
• 
  Lannenallee
• 
  Nëmmeswiss

Perséinlechkeeten aus der Gemeng Bartreng

• Alexandre de Colnet d'Huart (1821-1905), Politiker

Literatur

• Helbach, Jos: Der private Grossgrundbesitz in Luxemburg im 19. Jahrhundert - Seine Entwicklung und sein Schicksal, Eegeverlag, 2009. S. 29 - S. 40

Kuckt och

• Lëscht vun den nationale Monumenter an der Gemeng Bartreng 0
• Gare Bartreng-Stroossen
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Bartreng – Biller, Videoen oder Audiodateien

• Offiziell Säit vun der Gemeng Bartreng
• D'Gemeng Bartreng op der Websäit vum Syvicol